直播靈接觸丨天后級女歌星預視「世紀火災」現場？多年後電台訪問還原事實真相
2024-05-09 19:00 
梁思浩、黃紫恩（Jojo）及黃耀英主持TVB Plus靈異直播節目《直播靈接觸》播出後在網上掀起了不少話題，在周二（7日）播映的一集，請來香港歷史學家施志明擔任嘉賓，大談香港的都市傳聞，期間提到在1996年在佐敦嘉利大廈發生的的「世紀火災」，釀成40人死亡、80人受傷的慘劇，言談間透露有一名香港天后級女歌手一個經歷！
相關閱讀：直播靈接觸丨75歲顏國樑患癌昏迷遇靈異事險踏鬼門關？太太做一事為夫續命
直播靈接觸丨天后級女歌星預視「世紀火災」現場？
梁思浩和香港歷史學家施志明在節目大談香港的都市傳聞， 在1996年嘉利大廈發生的五級火，釀成41死80傷，是香港史上最嚴重的高樓大廈火災。期後這幢大廈傳出不少恐怖傳聞，曾一位現為香港天后級女歌手，當在一次電台訪問中提到，在火災發生前幾日，她如常去到嘉利大廈乘搭升降機回唱片公司時，升降機沒有停在公司樓層，而是停在公司的上一層。升降機門打開，出現在面前是一片漆黑牆壁，女歌手不以為然回到公司，事件傳開後，不少出入該幢大廈的人都表示，火災前數天有過類似經歷。
Beyond 一名前成員劉志遠成功逃生
梁思浩在節目中提到 Beyond 一名前成員劉志遠，火災時正在現場，他說︰「佢係火災生還者，事後佢講返件事來龍去脈，當日佢喺錄音室錄音，而錄音室係完全聽唔到外出嘅聲，所以完全唔知出面發生咩事。」梁思浩透露劉志遠正在彈結他，忽然多次聽到一把小朋友聲音猛叫「走喇」，語氣激動，他補充說︰「當劉志遠同控制室職員逃生時，一直覺得嗰個細路仔『陪』住一齊走，更一路畀指示。」最後成功逃生。
陳慧嫻在火災發生前幾日有奇異經歷
節目出街後，有網民翻查當時的報道，原來《直播靈接觸》所指的天后級女歌手是陳慧嫻，而陳慧嫻在2013年接受商節目訪問時，道出了另一個版本，陳慧嫻曾提過在火災發生前幾日的奇異經歷並直言：「我啲同事話我睇到寶麗金嘅未來！」當時譚詠麟說：「嗰陣佢（陳慧嫻）撳個lift上10樓，但係一開門就全部都係黑色，係冇可能，唔會全部黑色，係睇到有玻璃門，點會係全部黑色？」陳慧嫻續說：「我返到去咪問佢哋係咪裝修，點會黑晒？點知佢哋話上下都冇人裝修，亦都冇圍版。」譚詠麟又稱嘉莉大廈因為太多出入，升降機經常出現問題：「可能嗰陣係停咗喺層與層之間，所以咪睇到黑牆！」
事發當日陳慧嫻稱在英國拍特輯
事發當日陳慧嫻稱在英國拍特輯，當時覺得很愕然：「我最快樂嘅時光係喺嘉利大廈度過，我得到嘅獎項、金唱片全部都擺咗公司，我而家冇晒嗰啲嘢。」譚詠麟又稱當時有8成的東西已經不見了：「我幾個鐘頭前喺嗰度，嗰日同阿叻出唱片，佢要錄音，如果我唔喺度，佢就好騰雞，你知佢係音樂細菌，乜都唔識。嗰日佢話啲歌唔係好熟，試完都係唔得，於是咪叫佢返去聽多一個禮拜先，所以咪cut咗錄音機，佢哋將錄音室個鏡頭set返望住lift口，我走咗2、3個鐘之後，發覺lift口真係好多煙，嗰件事就嚟，好彩係發覺得早，如果唔係唔可以再落去嘅話，只可以走上天台，就係咪咁先！」
其他文章：
直播靈接觸丨新馬師曾報夢做媒人？ 鄧兆尊三奶被硬銷：佢都唔係我鍾意嘅款
梁思浩斥女藝人「周街唱」報應論與網民觸發罵戰 曾揭藝人惡行爆料惹迴響
梁思浩生日獲送蛋糕慶祝 相信運勢每十年有巨變 部署淡出幕前享受生活
------------------------
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
最新回應