林奕匡開心太太首次陀B睇演出八月停工陪入產房

2024-04-28 15:45

林奕匡舉行一連兩場「高山低谷10週年Special-Phil Lam The Great Decade Live」，昨晚（27日）進行首場演出，身為太太的李靄璣（Rikko）到場支持外，亦吸引力臻、小薯茄成員肥蚊、試當真成員阿慈等入場欣賞。

林奕匡身穿紅色西裝Look現身，吹奏色士風後，獻唱歌曲《高山低谷》。林奕匡指此曲是十年前，十年之間創作過不少音樂，當中有很多回憶同成長，又指曾經想過做爵士樂手，但好多朋友指有得揀都不要揀這行，因為這個行業很難，並提議他讀書叻就去讀書。他說：「我真係好鍾意音樂，轉做咗歌手，間中可以拎住色士風同大家見面。」自認科學派的林奕匡，坦言選擇做歌手是他人生中最不理智的決定，但也是最正確決定，多謝家人支持，感謝太太的李靄璣（Rikko）在他心灰意冷、迷惘的時候，沒有放棄他同支持，未來會做更多音樂畀大家。

今次演唱會是記念《高山低谷》面世十周年而舉行。

林奕匡說當時若非此曲爆紅，他已返回加拿大。

演唱會找來黃妍與葉巧琳擔任表演嘉賓。

林奕匡坦言選擇做歌手是他人生中最不理智的決定，但也是最正確決定。

林奕匡曾經想過做爵士樂手，雖然沒有做成，但間中也可以拎住色士風同大家見面。

林奕匡直言好鍾意音樂，他多謝家人支持令他可以成全這個夢。

雖然沒有快歌勁舞，但一樣會因心情緊張而流汗。

當晚黃妍與葉巧琳擔任表演嘉賓，林奕匡指最近跟兩人到日本參加The First Take做嘉賓，負責為兩人影相。葉巧琳就讚林奕匡好眼光，所以娶到好老婆。演唱會尾聲，林奕匡唱出《愛情小品》，並走到台下跟歌迷握手。最後以獻唱《一雙手》為個唱完美結束。

林奕匡接受訪問時，笑言太太首次陀B睇他的演出，又爆太太指睇騷時腹中BB有反應。問到可有在家中唱歌氹腹中BB和太太，他笑言氹太太較多，有時會彈琴，太太則負責唱歌。談到太太距離預產期有四個月，他坦言心情既緊張又興奮，未能預計當時情況，因為有1萬個可能性，最緊要做好準備功夫，所以已錄好新歌及舉行今次演唱會。問到可會停工陪太太侍產，他笑言等太太停工先，笑言她好忙，只要對方覺得舒服，幾時停工也可以，但八月應該會停工，一定會陪太太入產房。問到可驚見血？他笑言六歲時志願做醫生，發現自己見血會腳軟，就打消念頭，又指將來也想較大場地開個唱，今次舉行演唱會只是記念《高山低谷》面世十周年，雖然不覺得需要為這首歌而慶祝，但當時並非此曲已返回加拿大。