馮盈盈狂讀書追求精神滿足:我變咗喇 告別拜金女 兩年內唔會拍拖丨獨家

2024-04-25 07:00
Video Player is loading.
Current Time 0:00
Duration -:-
Loaded: 0%
Stream Type LIVE
Remaining Time 0:00
 
1x
    • Chapters
    • descriptions off, selected
    • captions and subtitles off, selected

      馮盈盈狂讀書追求精神滿足:我變咗喇 告別拜金女 兩年內唔會拍拖。
      馮盈盈狂讀書追求精神滿足:我變咗喇 告別拜金女 兩年內唔會拍拖。

      馮盈盈自2016年當選港姐冠軍後已是「話題女王」,是非不絕,更被標籤為拜金女,前年有指衰推劇被掟入雪櫃,直至拍《逆天奇案2》解凍。盈盈冇浪費人生,趁冇工開重回港大修讀營銷學碩士,更重新搵到定位,變身人生導師。對於被指讀書洗底,刻意搣甩拜金形象?強調兩年內唔會拍拖的她巧妙回應:「我會拜呢方面嘅金,就係追求書中嘅黃金屋,𠵱家我着重精神滿足!」  採訪:方騫平 攝影:譚志光

      馮盈盈被雪後搵返定位,重新出發。
      馮盈盈被雪後搵返定位,重新出發。
      馮盈盈係聰明女。
      馮盈盈係聰明女。
      盈盈未來兩年專心工作及學業。
      盈盈未來兩年專心工作及學業。
      就算有公子哥兒追求都唔會拍拖住。
      就算有公子哥兒追求都唔會拍拖住。
      盈盈懂得為自己打算。
      盈盈懂得為自己打算。

      在《逆天奇案2》中,馮盈盈不再是陳展鵬及林夏薇的「第3者」,跟打救她的暖男男友高鈞賢變甜蜜CP,上演公主抱、咀嘴、小鳥依人等冧爆場口,連女導演睇完playback都大讚兩人有火花。在盈盈眼中的高鈞賢似大哥哥一樣照顧身邊人,對於兩人結伴逛深圳超市被野生捕獲,女方更一臉冧冧豬對住男方,盈盈即笑說:「係咪讚我笑容甜美,觀眾感受到我哋好有CP感呀?」

      上集《逆天》時飾演進擊嘅「第3者」。
      上集《逆天》時飾演進擊嘅「第3者」。
      在《逆天2》中喊戲連場。
      在《逆天2》中喊戲連場。
      喊得好悽涼。
      喊得好悽涼。
      演技大爆發。
      演技大爆發。
      拍前由泰臣教戲。
      拍前由泰臣教戲。

      搵泰臣惡補演技
        盈盈在劇中要演繹生死戀感覺,內心戲相當複雜,喊戲連場,情緒表達亦有唔同層次,雖然戲份不及上一集,但發揮好大:「為拍呢套劇,我請咗泰臣做戲劇老師,將所有場口預演一次,做定功課先去『考試』。」之前盈盈孭飛的《妳不是她》曾被狠批演技,問到是否雪藏過後變得更進取,懂得珍惜機會?她打官腔避談:「機會一直都珍惜,只係一直尋求方法做好啲,尤其唔再係新人,觀眾包容程度冇咁大,要拉高標準尺度,追上觀眾步伐……學海無涯,自知有好大進步空間,希望觀眾見證我能突飛猛進,感受到劇中人比第一集變得成熟及沉穩。」 

      同高鈞賢係一對。
      同高鈞賢係一對。
      兩人演得投入。
      兩人演得投入。
      劇中跟高鈞賢似經歷生死戀。
      劇中跟高鈞賢似經歷生死戀。
      首做女一嘅《妳不是她》演技受批評。
      首做女一嘅《妳不是她》演技受批評。
      《妳不是她》盈盈孭重飛。
      《妳不是她》盈盈孭重飛。

      𠵱家係真正自己
        提到停演兩年,可有得着及啟發?盈盈幾乎被考起,諗咗一陣才答:「都感恩中間有段時間畀我沉澱,原來演戲要同角色有共鳴,如果劇接劇就未必感受到生活,永遠去唔到另一個level。」盈盈是2016年學霸港姐冠軍,當選後即受公司力捧,就算主持節目《後生仔傾下計》因言論大膽出位被封「性博士」,2018年也能極速上位奪得「女飛躍」獎,後來因跟江嘉敏去過富豪船P反晒面,被指係是非拜金女,形象急轉差。不過,解凍後嘅盈盈脫胎換骨,唔止戒嘈,更加添文青書卷味,似乎刻意修正負面形象。對此,她大笑道:「唔係刻意嘅,係自然地做返真正嘅自己,咁樣最舒服自在,以前為咗主持綜藝節目要全情投入氣氛,要開心活潑啲怕交唔到貨,𠵱家展露大家未見過嘅一面,其實識我嘅人會嫌我靜。」追問自我增值後,是否不再拜金?她答得巧妙:「我會拜呢方面嘅金,追求書中嘅黃金屋,𠵱家我着重精神滿足多啲!去學習唔同知識先係最無價嘅財富。我打算未來兩年,就算遇上適合對象都唔會考慮拍拖,因為要專心我嘅工作及學習,雖然已完成碩士學位,但啱啱又收到哈佛大學嘅商業管理網上課程,希望透過唔同嘅專業考試豐富唔同知識範疇,會拍片將學習過程分享畀大家。」

      馮盈盈係2016年港姐冠軍,亞軍與季軍分別係劉穎鏇及陳雅思。
      馮盈盈係2016年港姐冠軍,亞軍與季軍分別係劉穎鏇及陳雅思。
      2018年極速上位奪得「女飛躍」獎。
      2018年極速上位奪得「女飛躍」獎。
      馮盈盈跟戴祖儀、麥美恩、劉穎鏇、何依婷等主持《學是疫學非》。
      馮盈盈跟戴祖儀、麥美恩、劉穎鏇、何依婷等主持《學是疫學非》。
      跟標籤專埋富豪堆嘅江嘉敏high tea。
      跟標籤專埋富豪堆嘅江嘉敏high tea。
      過優質生活。
      過優質生活。
      透過緋聞男友鄭衍峰認識富二代。
      透過緋聞男友鄭衍峰認識富二代。
      以前盈盈做綜藝節目聲大大,好嘈。
      以前盈盈做綜藝節目聲大大,好嘈。
      過往會着三點式晒吓身材。
      過往會着三點式晒吓身材。
      進取盈盈。
      進取盈盈。

      讀書先有安全感
        盈盈不斷讀書但否認鋪路轉行,強調跟公司仲有一段時間嘅合約,只不過讀書可以平衡心理壓力,而且近年經歷亦令她有感而發:「可能人大咗,出嚟做咗幾年嘢,體會到唔係一分耕耘一分收穫,有啲嘢自己好難控制到,會有不安全感,讀書反而帶出安全感,因為有幾多努力自然得到有幾多分,呢個會畀到自己努力嘅目標。」她又補充指自己心態唔同咗,更糾正一啲錯誤觀念:「女人最大魅力唔係來自香水及外表,吸引力喺修為及內涵方面,所以𠵱家會追求精神滿足(唔再追求名牌包包?)係呀,哈!我變咗喇。入行8年都希望大家睇到我嘅成長,係會成熟嘅。」

      盈盈重返校園嘅文青look。
      盈盈重返校園嘅文青look。
      重返港大校園。
      重返港大校園。
      變得有文青氣質。
      變得有文青氣質。
      明白內在美更重要。
      明白內在美更重要。
      利用拍戲空檔做功課。
      利用拍戲空檔做功課。
      取得A級成績。
      取得A級成績。
      盈盈係港大畢業生。
      盈盈係港大畢業生。
      增值後學以致用。
      增值後學以致用。
      轉型後嘅盈盈,不時拍教學片分享求學心得。
      轉型後嘅盈盈,不時拍教學片分享求學心得。

      《星島申訴王》推出全新項目「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰https://bit.ly/3uJ3yyF

      想睇更多精彩內容,請立即瀏覽「區區有申訴」活動專頁,https://bit.ly/41hgS9E

      緊貼最新最快新聞資訊,請立即下載星島頭條App:https://bit.ly/3Q29Vow

      關鍵字

      最新回應

      關鍵字

      相關新聞

      You are currently at: std.stheadline.com
      Skip This Ads
      close ad
      close ad
      本網站正使用 Cookie

      我們使用 Cookie 改善網站體驗。 繼續使用我們的網站即表示您同意我們的 Cookie 政策。 Cookie 政策