前TVB綠葉王轉型做YouTuber！公屋長大16歲入行做一事最好賺 早年曾為陳慧琳拍MV
2024-04-22 19:30 
現年55歲的張松枝拍過逾百部TVB劇集，被稱為「綠葉王」，他2012年離巢TVB，曾加盟HKTV發展，近年大多拍攝電影或ViuTV劇集。原來張松枝早前更攻入YouTube界成為YouTuber，聯同「泰臣」（翟凱泰）、羅雲龍師傅開Youtuber Channel「男團澡堂」分享中佬的趣事。
相關閱讀：陳慧琳張松枝23年前合照出土 凍齡靚樣超驚人似食防腐劑
張松枝合作過的巨星：
張松枝自小與家人居於藍田邨，自小的志願便是當演員。張松枝16、7歲時成為模特兒，連拍了4年的MV成功賺取第一桶金，90年代加盟TVB，夢想成真成為藝員，拍過逾百部電視劇。最近張松枝除拍攝不同影視作品外，原來更成為YouTuber，與上月與「泰臣」（翟凱泰）、羅雲龍師傅開YouTube頻道「男團澡堂」。張松枝於首集分享入行經過，指小時候看電視見到劉德華、梁朝偉，便希望成為明星，所以自小已經想做演員，張松枝表示：「我做model先，首先都要照吓塊鏡，真係有潛質喎！上吓個榜又幾標準喎！身材又唔錯喎！」
張松枝游水被發掘入行
張松枝16、7歲去石澳游水，游完水與朋友到酒樓用餐時，旁邊有廣告團隊，他表示：「有個女仔走過嚟，問我有冇興趣拍廣告，俾咗張卡片我，叫我有時間上去casting，咁就開始拍廣告，有影青春、YES！」當年張松枝拍過朱古力及牙膏電視廣告，亦都有拍酒店的硬照海報，每次收3、400元，張松枝表示當時做了很久男模，但工作不算太多，直至兩、三年後，卡拉OK開始蓬勃，他便接拍MV，「嗰時啱啱興起，啲歌唔係淨係拍新歌，拍返廿年前嘅歌，要好多人去拍，我嗰時係御用嘅MV演員，最近嗰套《臨時刧案》個導演麥啟光就係拍過我MV嘅導演。」
張松枝拍過很多MV：
張松枝拍MV維持了4年，當時除了香港取景外，他又試過飛去吉隆坡及怡保拍攝，當時沒有劇本更要考天才波拍攝，「導演話：『你專業，得㗎喇你』，一嚟就擺機，佢叫呢度行過就得，邊有劇本，拍嘅時候畀首歌你聽，但拍到出嚟未必係嗰首歌，淨係畀個感覺你，最有主題係許冠傑嘅《日本娃娃》，因為我真係要扮日本人，著日本和服溝女，成個內容拍晒出嚟。」
張松枝廿歲賺到第一桶金
當時張松枝拍MV時，絕大部份都是自己帶衣服，公司會提供梳頭、化妝，但特別的MV或要與明星拍攝，公司就會提供服裝。他透露20歲時已經成功賺到第一桶金：「係呀！嗰種虛榮感出咗嚟，因為出到街有人認到你，適逢過年擺年宵，我擺啲氣球，真係賣晒，原來名氣係咁梗要。」
張松枝拍了4年MV後，TVB開了新部門，在市場找靚仔靚女試鏡，將培訓成有潛質的演員，他表示：「我係其中之一個，冇藝訓班，佢見咗你，覺得你可造之材就簽你，見咗Ba姐後入咗電視台力捧，我入咗TVB第一個MV就係同陳慧琳拍《對你太在乎》，好多觀眾知。」而早前張松枝重遇陳慧琳，他倆再影一張廿年後的合照紀念，不少網民都大讚他們凍齡！
其他文章：
叠影狙擊丨75歲于洋驚喜再拍劇！被爆超貪玩狂NG 張松枝靠一物變白髮天才罪犯
獨家丨二人對峙連場 自製加料口罩 張松枝康復開工 Bosco十級戒備
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
最新回應