星8卦｜「笑笑」「樂樂」為爭仔出高價搞到反面 「俊俊」吊高賣怕得罪人

「笑笑」一直同「樂樂」好好感情，可能識於微時，彼此相扶持，患難與共。但自從「俊俊」出現之後，兩個人的確無以前咁老友，外面嘅人唔多明白，以為佢哋疏遠係因為太紅太忙。

「笑笑」一向急性發男人寒，對「俊俊」生滋貓入眼，「樂樂」就唔鍾意女人，同「笑笑」以姊妹相稱，各自溝仔仲互相交換心得，好好感情。偏偏「俊俊」係兩邊都啱，而且剛冒起，所以就好等錢使，知道「笑笑」對自己生滋貓入眼，亦都無所謂，「笑笑」認真到安排好多合作機會，畀對方搵真銀。

「樂樂」就簡單啲，知佢去旅行都搵埋Gay Bar開心，索性好坦白同佢講自己有意思包養，如果做到男朋友就更合心意。兩個人各自出招都唔係問題，最衰係俾對方知道自己嘅心事，即係好明顯正面爭仔啦，「笑笑」份人都好勝心強，所以一直出高價又話畀「俊俊」聽自己勢力有幾大。

「樂樂」就覺得自己唔使爭都一定等到「俊俊」投懷送抱，因為知佢心底嘅真正所愛嘛。呢場角力賽至今仍然未分勝負，不過「俊俊」好聰明咁唔表態，得罪邊個都係死路一條！

 

相關文章：

星8卦｜「標緻」迫「阿叔」攞名份失敗 轉溝「西哥」玩激將法

星8卦｜「排骨」做戲當副業 提升知名度為方便搵老細賺真銀

星8卦｜「巴閉」欠債被告 情願使律師費堅持唔找數

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow