劉威煌終於識做人：藐我都會講多謝古淖文經常叫佢「常威」唔再嬲丨獨家

2024-04-12 08:00

第一屆《超級巨聲》第5名的劉威煌，相隔15年再戰TVB《中年好聲音2》，雖然8強止步，但覺得比賽過程有得着更為重要。威煌分享由當年自我膨脹的巨星心態，變返只係鍾意唱歌的小歌手心路歷程，就算被古淖文叫他曾經好嬲豬嘅花名「常威」，他反而覺得有親切感，心態大不同。採訪：方騫平攝影：鄧國良場地：Suger K

經過多年磨鍊，劉威煌終於識做人。

劉威煌氣量比以前大。

15年時間教曉劉威煌做人嘅道理。

劉威煌唔再飄飄然。

劉威煌以前容易觸動情緒。

《中音2》後有更多人認識劉威煌，受歡迎程度勁過當年，笑言有啲似《超級巨聲》感覺，不過，他唔再飄飄然，心態已調節返做個普通人：「以前唔識表達，見到人哋熱情打招呼會好驚好尷尬，仲會諗多咗，質疑對方來意；𠵱家個人好『地』(貼)，不論支持定藐我都會講句『多謝』，至少有留意過我；另外幫過我嘅所有人都要道謝。」

劉威煌識咗好多新朋友。

《中音2》令威煌開心咗好多。

「中音2生」進行紅白對賽。

劉威煌享受舞台。

2009年劉威煌成為第一屆《超級巨聲》第5名。

劉威煌受歡迎程度比當年更甚。

澄清冇被伍仲衡關照

劉威煌歌唱事業曾大起大跌，最後經不起輿論壓力，7年前唱完怨念歌《灰狗》後打算全面放棄唱歌，直至疫情期間開Live再唱：「當年最介意係批評我個樣似電影《九品芝麻官》嘅奸角『常威』(鄒兆龍)，但𠵱家覺得鄒兆龍都幾高大靚仔呀！參賽時古淖文用『常威』個名嚟笑我，我反而覺得係老朋友稱呼。今次都有負評指我同伍仲衡係buddy，所以先行到8強。我想講伍sir畀我係標準以下嘅15/16分，事實擺在眼前，我冇要求攞過同情分，即使參賽期間一齊食飯都共識唔合照，甚至唔提任何比賽話題，就算係點老友，佢冇必要因為劉威煌而搞衰自己，而我就孭住造馬罪名，咁會變成雙輸。」