方俊獲張偉文傳承靚聲被視障表演者封為男神 新加坡歌后麗莎出任個唱神秘嘉賓

「靚聲王」張偉文愛徒方俊將於下周一（15日）在北角新光戲院舉行《燃亮愛演唱會》，處男演唱除了滿足fans需求外，更希望用歌聲為視障人士燃點希望；用行動燃亮對視障人士關愛，故優先送出門票給視障人士及其家屬前來一齊happy。當晚方俊給予視障人士發揮才華平台，將與香港盲人輔導會轄下The Cheers 樂隊合唱《We Can Overcome》。

方俊為處男個唱綵排中。

《方俊燃亮愛演唱會》下周一在新光戲院舉行。

方俊為配合個唱自資推出首支單曲《鼓舞》。

恩師張偉文一大清早為方俊新歌拍MV。

方俊請來Eddie(彭迪安)、陳思齊、奇哥拍MV。

張偉文6年沒有做和音，特地為愛徒出山。

方俊忙於個唱宣傳。

日前方俊跟視障嘉賓到band房綵排，雖然視障嘉賓睇唔到，但每聽到方俊嘅聲音、親切握手及搭膞頭舉動就歡喜若狂， 呼喚他做方Sir，大讚方Sir有男神聲線，唱得好好聽，好期待當晚演出及做觀眾。傷健鼓手仲興奮得對住方俊說：「方Sir，你覺得我打成點呀？」方俊則送上鼓勵，𠱁得對方開心笑不停，自信心返晒嚟。方Sir也跟他們互動，叮囑合唱佢哋嘅「飲歌」時，記住睇返住他呀！對於能成就一班視障人士發揮才藝，方俊覺得好有意義：「佢哋好似識到一位志同道合嘅新朋友咁好興奮，我答應喺演唱會後，買蛋撻去協會探訪，大家傾吓偈，唱吓歌，佢哋好需要關愛。」

方俊與香港盲人輔導會轄下The Cheers 樂隊鼓手貴福特別老友。

香港盲人輔導會轄下The Cheers樂隊，興奮與方俊合照。

方俊和視障表演嘉賓互動。

表演嘉賓王美蘭綵排得如火如荼。

方俊跟方麗盈係老拍檔。

方俊處男個唱中齊合唱。

方俊及姚煒曾為張偉文個唱做表演嘉賓。

張偉文分享方俊奪第一屆 《中國寧夏‧平羅全國網絡歌手大賽》第4名喜悅。

張偉文狀態理想的話，當晚會上台客串吓。

方俊一直為新加坡歌后麗莎做義務經理人，大家感情要好，今次方俊個唱，麗莎亦會以神秘嘉賓身份助陣，而麗莎在港開騷，方俊亦做表演嘉賓，兩人互相幫助。另外，目前方俊為演唱會綵排得如火如荼，表演嘉賓方麗盈及王美蘭日前排練後，「屈」方俊請食大餐，麗盈笑說：「要魚翅撈飯，鮑魚洗面！」美蘭就唔蝕底要求食花膠！難得請到兩位「姐姐」幫手，方俊賣口乖說：「得得得！請食花膠冇問題，至為鮑魚就揀啲大到可以抹車嘅。」

主唱經典歌《相思淚》嘅新加坡歌后麗莎係方俊個唱神秘嘉賓。

七師傅祝福方俊演唱會成功。

方俊做網上直播節目請來王美蘭演出。

方俊、方麗盈越唱越起勁。

方俊、方麗盈用心綵排。

王美蘭、方俊、方麗盈好老友。

方俊答應請王美蘭、方麗盈食花膠及鮑魚。

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》新網站有更多精彩內容：http://www.stheadline.com/