澳門女團ALL IN零收入靠兼職幫補　疫情拖累等足4年出道丨獨家

2019年成軍的澳門女團ALL IN，由36歲隊長蘇俏慧（Kayaku）、25歲梁心瀘（Sammie）、24歲盧詠芯（Iris）及23歲區慧珊（Abe）組成，她們放棄原有工作孤注一擲決心追夢，可惜受疫情拖累，試過零收入靠做兼職幫補生活，苦等4年多，最近終正式出道推出單曲《非正統私立學園》。採訪：杜杜 髮型:Leo Poon@the Elements 服飾:Kenji Wong

Sammie、Abe、Iris和Kayaku已開始籌備第2首單曲，望盡快跟樂迷見面。

Abe、Sammie、Kayaku和Iris已開始籌備第2首單曲，望盡快跟樂迷見面。

獨立歌手出身的隊長Kayaku，2019年代表公司到多個歌唱比賽和表演揀蟀，由於身份似足半個經理人，疫情令ALL IN遲遲未能出道，令她特別難做，「佢哋3個都係辭咗份工加入，訓練咗兩年，一路講就快出道，合約都完要加簽仲未出道，最慘好多時零收入，大家要搵兼職撐住，好彩Sammie幫手游說，Iris同Abe先肯續約。」由於放棄原有工作組團，四女都覺得老闆鍾楚霖想到「ALL IN」作隊名相當適合，「我哋都等咗4年幾，無論係青春或各方面都係ALL IN。」

大學讀旅遊的Kayaku，成軍前是獨立歌手兼製作人。

大學讀新聞的Sammie，成軍前從事傳媒工作。

大學讀設計的Abe，出道前是娛樂平台主持。

出道前，Iris剛完成小學教育研究碩士，準備做老師。

多女團百花齊放

成功出道，ALL IN目標好清晰，她們異口同聲說：「開演唱會，仲要係四面台，最好是世界巡迴啦！」她們堅持來港才正式出道，因有感香港是最佳踏腳石，Kayaku說：「想由香港出發再返澳門，魚唔過塘唔肥，我做過獨立歌手，喺澳門該攞嘅獎都攞過，做完所有大型嘅job，始終知名度唔多，所以我哋點解唔行遠啲，老闆又有咁多資源。」對於香港有多隊女團，她們認為不存在競爭，Kayaku說：「係百花齊放，每個女團都有佢哋特色，大家可以crossover。」她們預計未來可能要長留香港，亦打算發展內地巿場，Kayaku說：「有計劃，但係慢慢嚟，啱啱先推出第1首歌《非正統私立學園》，等出多幾首歌先。」

新歌請來Edward Chan任監製，ALL IN認為是好開始。

《非正統私立學園》MV中，ALL IN扮對世界好奇的人偶。

 

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

 

想睇更多精彩內容，請立即瀏覽「區區有申訴」活動專頁，https://bit.ly/41hgS9E

 

《星島頭條》新網站有更多精彩內容：http://www.stheadline.com/