猴疱疹｜青年遊金山唔知驚照伸手摸馬騮 行山客帶杖傍身：唔好對望招惹佢
2024-04-04 17:48 
一名37歲男子於金山郊野公園被猴子襲擊後確診猴疱疹病毒（B病毒），目前情況仍然危殆，是全港首宗人類感染個案。《星島頭條》記者今日（4日）下午到金山郊野公園觀察，園內猴群遍地，目測所見牠們與路過的行山客和平相處，不乏途人舉機與猴群自拍。
在感染病毒死亡率可高達8成陰霾下，竟有市民「唔怕死」主動觸碰猴子，疑似作出戲弄行為。發現記者打算上前詢問，該人立即快步迴避，高呼「好介意！（受訪）」
與妻子來行山的鄺生表示，曾見過有人餵猴子，「有啲人係傻嘅，我老婆試過攞電話影佢哋（餵猴子），佢驚我哋send俾政府，相信有阻嚇作用。」他指，餵飼行為令猴子不怕人，若不給予食物，牠們甚至會追逐並奪取人們手上的袋子及食物。
鄺生坦言，金山郊野公園上的猴子十分兇惡，認為行山人士有責任保護自己，指帶備行山杖是好辦法，「仲有唔好同佢哋對望，啲馬騮一對望就兇你，兇你你就亂，見到你驚就會郁你，所以小心啲。」
「亂餵對佢未必係好事」
與朋友行山的何先生認為，只要不主動騷擾野生動物，就可和平相處，「見到佢接近你，離遠啲，仲有唔好餵嘢食。」不過，他指現時猴子「完全唔怕人」的現象並不健康，「有機會傳播細菌，或者襲擊人，我覺得應該避免。」他又說，對病毒不算太擔心，笑言「都帶咗支行山棍保護自己，但唔會隨便用。」
一家三口從深圳前來遠足的蔡先生表示，山上有很多猴子，故帶備長棍保護自己，但就未見過猴子主動攻擊人，「盡量唔好惹佢哋」。他認為行山人士不應破壞自然規律，「你都唔知馬騮鍾意食乜，亂餵對佢未必係好事，始終佢哋有自己嘅生活方式。」
記者：蕭博禧
---
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應