73歲李司棋復活節家有喜事 祥和住所變月子中心

73歲嘅李司棋駕輕就熟玩社交網，不時分享美食及生活點滴，今日她向網民開心SHARE復活節驚喜，原來白頭翁一年一度再歸來，喺去年築嘅巢穴，即司棋姐露台種植花卉嘅花盆內生蛋及孵蛋，好有愛心嘅司棋姐仲為白頭翁家庭準備咗一間屋仔，獲網民大讚司棋姐專登為咗隻雀起間屋好有愛心，又指司棋姐有祥和之氣，因為鳥類好有靈性，好識揀地方築巢。李司棋對「家有喜事」表現雀躍，她對《星島頭條》表示白頭翁BB大約要12天左右才能孵化出來，估計4月8日家庭才添上新成員。

復活節李司棋家有喜事。

司棋姐家中變月子中心。

白頭翁一年一度回來生蛋。

BB需時12天才孵化出來。

司棋姐為白頭翁起新屋。

李司棋住嘅係風水屋。

家中有祥和之氣。

就算已凋謝了的植物都開得燦爛。

今日司棋姐用甜美聲線聲演家中「喜訊」，她說：「復活節快樂，我嘅復活蛋喺呢度(指窗外露台)，一年後佢(白頭翁)又返嚟養兒育女做媽咪喇，經過咗一年咁長佢個巢仲喺度，冇穿冇爛好耐用，其實呢我都準備咗一間屋仔畀佢，但佢都係鍾意自己起嗰間，希望呢個白頭翁媽咪順順利利，加油呀！」網民紛紛留言「人美心善」、「司棋月子中心」、「好滿馨司棋姐同白頭翁媽媽都充滿愛」、「每年都返嚟咁神奇」、「司棋姐人靚聲甜」。

去年白頭翁揀司棋姐間屋築巢。

去年白頭翁曾到司棋姐家中生產。

可愛小B出世喇。

之後一家搬走。

網民大讚司棋姐有愛心。

司棋姐好有愛。

司棋姐於社交網分享美食。

仲有生活點滴。

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ