專欄｜普捷天奴溝通方式要改善

車路士領隊普捷天奴唔係好識英文，同記者對話都尚算可以，但往往球迷都難以理解和接受。

經歷完上次攞唔到聯賽盃冠軍後仲去食大餐風波之後，對般尼賽前記者會中，普捷天奴知道點解有咁多受傷嘅原因，但係再一次唔同球迷交代，表示會去調查。

同一時間，今季成績係不滿意，現時開波前都只係排第11位，但普捷天奴又要球迷相信佢與班主嘅新Project，更講到電腦分析顯示車仔今季應該係排喺第4。

其實係自相矛盾，要一個球迷相信一個領隊，唔單止係場面上同球場內。球場外，與球迷溝通亦都係非常之重要，當你叫人相信你嘅時候，但係你唔公開透明，會令人不禁懷疑你究竟知道幾多？自然會對領隊產生唔信任。其實眾人都知車路士重建需要時間，亦一定會俾時間，但最大問題係做事情講一半唔講一半，再加上熱刺原血，總會帶少少歧視。

然而，單論場面上其實真係有進步，成績亦都慢慢走上正軌，其實最希望肥普都係帶到年輕球員有成長，至少發現梅迪歷的說明書，及高爾彭馬的爆發。在教練市場緊絀下，普捷天奴仍然是最合適的人選。Willhappy

-----

《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ