ViuTV節目塔羅界女神晒巨肚宣布懷孕 親述「造人」神奇事跡：深信係佢返嚟投胎
2024-03-27 16:00 
魔法塔羅師JanJan憑主持ViuTV節目《對號入座》和《GO！執！事務所》而廣為人識，2022年12月她於社交平台宣布嫁律師男友Darian，相隔一年多，昨晚（26日）終於開心報喜，更於IG撰文詳述懷孕的神奇事跡。
相關閱讀：倪晨曦晒巨肚驚爆懷孕！貼全家福宣佈四年抱三 月初性感現身時裝周零孕味
JanJan晒7個月孕肚：
JanJan昨日貼出大肚照宣布榮升「準媽媽」，她在文章開頭便問大家：「你們相信前世今生嗎？」並附上一張黃大仙籤文，以及多張愛犬Gingy的生前舊照。接着JanJan指，去年年頭與家人到黃大仙廟拜神，其間求籤問有何啟示給想生育的她，結果獲得第16籤「皇叔遇水鏡」，意指劉備黃昏時在郊外見到一個好開心的牧童，牧童一路上吹竹笛騎牛歸家，「我睇完籤文就話，兒童？歸家？係咪即係嚟緊啦？咁快？我以為黃大仙同我講，好快㗎啦。咁就當然抱住心態肯定好快啦。但過咗好幾個月，都係無消息。雖然唔係話好急，但可能因為籤文關係，明明話歸家，但點解歸咁耐㗎。」
JanJan公開「造人」秘訣
後來一名三孩之母向JanJan傳授秘訣，着她每晚睡前在心裏向上天禱告：「有冇BB想落嚟啊？媽咪等緊你啊！」對方還透露生3胎都有夢境預兆，惟JanJan效法數月依然毫無懷孕徵兆，直到去年10月發了一個關於在寵物店揀狗的夢，夢中她尋遍20多個籠也找不到她的愛犬Gingy，最後她失落地離開。結果夢醒後過了數天，JanJan便發現自己懷孕了，「其實嗰陣時，我只係諗到係寶寶（指丈夫）生日月有咗，係BB想送畀爸爸嘅生日禮物，因為我隻狗狗走咗幾年我都無乜夢見過佢。但懷孕幾個月後，係知道BB性別前，我又再次發另一個夢……」
JanJan幕前演出：
JanJan自揭胎夢見愛犬
JanJan續指，夢中愛犬Gingy跑回來找她，身旁一名陌生女士稱代她養了一陣子才歸還給她，「然後瞓醒嗰一刻，我心入邊已經深信我肚入邊嘅BB就係佢返嚟投胎。縱使嗰一刻我未知性別，我覺得BB會同我隻狗仔會係同一個性別。最後做gender reveal（性別揭曉）嘅時候，真係同隻衰嘢同一個性別！最最最神奇嘅事係，其實我從來冇留意過我隻狗仔係邊一個月份出世，由於我覺得呢個故事太神奇，我去搵番10幾年前Facebook post過佢bb相嘅日期，天啊！同一個月！都係6月！！」
JanJan被爆上月「發福」
最後，JanJan表示這個故事能勉勵努力「造人」的網友們：「我好明白每個月的嗰種失落，但係你很努力的時候，同時請你們一定要相信同孩子嘅緣份。幾時來，是男是女，緣份其實已經早有安排，一切隨心就好。」不少網民都紛紛送上祝福，其中有人留言：「上個月搵你占，我覺得你個肚腩大咗，但我又唔敢問你做乜肥咗。」對此JanJan回覆：「我已經算收得好好㗎喇，上個月已經有咗六個月。」
其他文章：
38歲林奕匡晒超聲波照宣布升呢準爸爸 愛妻李靄璣腳踏3吋高踭鞋開工超牙煙
35歲前港姐產子不足半年宣佈極速懷第三胎 四年抱三超驚人：未有心理準備再生
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應