林詠倫斥Tommy亂屈人連自己都呃埋「A4」風波掀起E-kids陳年不和秘事丨獨家

2024-03-22 08:00

近日曾志偉幫《亞洲超星團》9人新男團改名「Loong 9」變全城熱話，亦演變成E-kids成員阮民安（Tommy）、林詠倫（Alan）及郁禮賢（Tim）的口水戰。Alan及低調的Tim分別在社交網出po，公開E-kids前身「A4」改名事件真相，Alan更不吐不快，稱曾被Tommy欺騙，兩人未算仇人但早已各走各路再冇聯絡。採訪：方騫平

林詠倫唔放棄唱歌。

林詠倫繼續歌唱事業。

影造型照。

Alan奉勸先要做好自己。

Alan已錄好4首歌。

男團E-kids曾屬StarEast旗下，3位元祖級成員當年獲「校長」譚詠麟、曾志偉及陳百祥提攜。近日Tommy借「Loong 9」在社交網出po，指曾志偉改名出事唔係第一次，稱E-kids前身曾叫「A4」，更即場反駁曾志偉「A4？紙嚟㗎？」。不過，Alan和Tim就斥Tommy所講嘅跟事實有出入，唔止抽水攞光環，仲對恩師忘恩負義。Alan解釋「A4」由當年經理人Terry所改，他向林珊珊介紹新組合時，係珊珊姐開玩笑講「A4？紙嚟㗎？」呢句並非出自Tommy把口，Alan否認擦志偉鞋：「成件事唔係Tommy可以話事，佢根本改變唔到個團名，我唔係要駁斥啲乜，只係路見不平啫！人哋冇做過唔好屈人哋，因為外間唔會知道真相，感覺上佢連自己都呃埋咁，做人要飲水思源。」

近日曾志偉幫《亞洲超星團》9人新男團改名「Loong 9」，引起不少話題。

曾志偉否認「Loong 9」由他賜名。

Tommy「當旺」時曾叫E-kids成員唔好埋佢身。

阮民安同昔日戰友Alan及Tim劃清界線。

E-kids正式出道前叫A4，成員多咗個高偉健。

Terry係當年賜名A4嘅經理人。

E-kids於2002年成軍，元祖級成員有Tommy、Tim及Alan。

當年係親密戰友。

當年開處男音樂會。

和梅姐合照。

2007年時E-kids曾重組開演唱會，但兩成員跟Tommy不歡而散。

兩年前E-kids Alan與Kasa再合體，改名E-Kai重新出發，新歌MV預埋「Jackdai」戴鎧霖。

「校長」譚詠麟提攜過E-kids。

當年E-Kids向譚詠麟、曾志偉、陳百祥拜年。

Alan好年輕呀。

Alan跟「校長」譚詠麟去踼波。

Tommy人格有問題
跟Tommy做咗21年戰友，Alan對Tommy人格有保留：「最難過幾年前Tommy成為焦點人物，受大眾注視時，佢嗱嗱聲同成員劃清界線，叫我哋行開唔好過去阻住佢，我唯有另找出路，行單飛繼續唱歌，Tim就教舞。另外；佢要求借用我哋一齊經營嘅E-kids網頁，但借用後馬上改密碼及踼走都係管理員嘅我同Tim，佢就霸住發放個人資訊。」問到2017年組合重組做演唱會時可有金錢糾紛？Alan欲言又止：「過咗去唔好提喇，有心呃一定會呃到…」