陳果導演慶幸當年冇亂拍商業電影 影展常客《香港製造》並非代表作丨獨家

陳果導演獲邀成為「第48屆香港國際電影節（HKIFF48）」的焦點影人，回顧展將放映他執導的10部經典作品。入行44年，他憑《香港製造》奠定在香港影壇的地位，但他不想以代表作來形容此電影，又指當年靠冷靜成功開拓獨立電影之路。採訪：杜杜 攝影：羅安強 場地:HKIFF

64歲陳果笑言這個年紀做焦點影人較好，「太老先做想講都講唔到。」

要選出代表作，陳果舉棋不定。

陳果於1980年入行，曾先後為唐基明、洪金寶、李修賢、于仁泰及麥當雄等導演的作品，擔任過場務、場記、副導演及製片等崗位。1991年他首次執導《大鬧廣昌隆》，至1993年才成功上映，1992年再執導青春片《五個寂寞的心》，更加上映無望，這段經歷反成為他在1997年籌拍《香港製造》的最大動力，「經歷令我多啲思考自己條路點行，拍完呢兩部，死囉！我唔拍部自己鍾意題材，唔知仲有冇機會拍，加上啱啱回歸，令我有呢個諗法。」

陳果成名作《香港製造》，亦是「九七三部曲」首部。

1997年《香港製造》已是陳果執導歷程，不可或缺作品。

對每部作品都好有感情

陳果的執導歷程中，《香港製造》肯定是不可或缺作品，多年來出席多個影展，作品仍然被不斷談論，他笑指「答到我唔想答」，他承認跟此作有份特殊關係，但不想用代表作來稱呼，「部部心血好難拍，我對佢哋好有感情，真係好難揀。」《香港製造》被喻為先鋒之作，他卻這樣解讀，「20幾年前都咁拍，咪覺得我好先鋒囉！套戲個名開得好，見證我成長，亦都見證咗香港成長或變化，今時今日仲留得住，呢個係佔好重要位置。」

1999年「九七三部曲」之三《細路祥》，最難是指導小朋友演出。

2000年「妓女三部曲」首部《榴槤飄飄》，最難是冇劇本。

入行44年的陳果被視為香港獨立電影的代表人物，他坦認當日《香港製造》成功後，差點重踏主流電影之路，「嗰時要開下部戲好易，睇吓拍乜之嘛！都唔知幾多明星叫我拍，但我好冷靜繼續行呢條路，用我鍾意拍乜就乜嘅態度去慢慢適應，所以第一、二部曲先咁順利，喺短短幾年一口氣拍晒，睇返轉頭我當年拍商業電影會點？！我真係唔敢想像變成點！」

2001年「妓女三部曲」之二《香港有個荷里活》，他笑說：「難在要搵全部肥佬，同最擔心隻豬。」

2002年《人民公廁》是陳果首部跟韓國合作的電影。

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

 

《星島頭條》新網站有更多精彩內容：http://www.stheadline.com/