夏韶聲呻攞唔到紅館期搞告別演唱會 欣賞葉振棠正直邀請出歌籌款即應承

夏韶聲今日（18日）以榮譽演藝顧問身份到尖沙咀出席香港文創互動發展協會活動，他指該會曾幫他出過3本漫畫，但第4本他就笑言不知道如何畫。夏韶聲透露近年有很多人問他何時開演唱會，他指自己是小人物，很難找到場地：「12月開始連續三個月入紙紅館都冇反應，有人紅館開完又開，但我就想攞都攞唔到期。」至於為何不找其他場地，堅持要在紅館開騒，他說：「要對得住fans，因為今次係開告別演唱會，細場就算啦！其實我二十幾年前都喺紅館開過，點會開唔到？」夏韶聲指今次告別，是因為已經不再留戀這個圈，問他離開後會做什麼，他表示可以畫漫畫，又透露下個月將會開始寫歌，放在自己的網上頻道供大家去聽：「我都唔奢望啲歌電台會播同攞獎，二十幾年來都係做獨行俠，自己都知電台係點樣運作，呢三年都好心灰，但冇意冷，我自己覺得低調比高調舒服。」

夏韶聲呻有人紅館開完又開，但佢就想攞都攞唔到期。

夏韶聲及漫畫家邱福龍

提到他最近受葉振棠邀請翻唱其歌曲，夏韶聲表示今次歌曲是作籌款用途，除了葉振棠之外沒有人可以拍他膊頭做任何事，因為他覺得對方很正直，也知道他的眼有事，覺得今次的出發點很有意思：「四月出，首歌叫《戲劇人生》，我淨係睇啲歌詞都已經眼濕濕。」

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ