陳奕迅周柏豪御用填詞人被外賣平台抽水！發文反擊被嘲小器 一句歌詞成網民笑柄？
2024-03-15 22:05 
唱作人陳詠謙曾為多位歌手填詞，最常合作的有陳奕迅與周柏豪，因此被指與陳奕迅與周柏豪的御用填詞人。陳詠謙曾四度奪得叱咤樂壇流行榜頒奬典禮的「叱咤樂壇填詞人大奬」，不過網民對他的詞作評價兩極，今日（15日）有網民發現，陳詠謙開設Threads帳號，卻因看到外賣平台一句留言而大動肝火。
相關閱讀：混血女星再婚1個月火速懷孕！成高齡產婦嘔到反艇：未接受到做媽咪
陳詠謙被抽水大動肝火？
陳詠謙分享自己開設了Threads帳號，卻引來外賣平台小編留言：「今日自己做飯未？」即時生氣以長文反擊表示：「打算打開threads睇吓呢一面嘅世界，半日唔夠，見到呢個留言真係既驚且喜。」其實外賣平台小編的留言，被質疑是抽水之作，事關陳詠謙曾為陳柏宇歌曲《別來無恙》作詞，當中一句「我現時自己肯做飯 悶極時自己可浪漫」曾被網民批評填得不夠理想，往後不時用這句歌詞嘲笑陳詠謙的文筆。
陳詠謙：罔顧一個人嘅感受
陳詠謙似乎都有留意平時網民的言論，因此看到被外賣平台小編抽水都感到非常不高興，並指：「原來除咗送外賣，重（仲）鍾意灑鹽巴。貴公司將個官方帳號交到你手上，估計係認可你嘅能力同品格，足以代表公司發言。唔通呢個就係戶戶送嘅企業精神？為咗刷Like數，可以罔顧一個人嘅感受；咁我估貴公司同樣可以為咗生意，罔顧車手/餐廳/食客嘅死活。我自己當然肯做飯，但有時都會叫外賣。用咗Deliveroo好多年，今日真係頗為失望。可能會覺得我小器？但善意惡意大家心知肚明。聽人講，threads係製造二元對立嘅平台。我上得嚟，預咗玩辯論。」
陳詠謙前妻再婚公布懷孕喜訊：
網民指陳詠謙EQ低
陳詠謙的言論被網民轉發到討論區，不少網民留言認為陳詠謙太小器：「咁小事都寫小氣簿」、「X咗人哋笑你一句就打篇文X人，咁得閒就讀吓書填充吓自己個詞庫啦」、「咁低EQ？唔係掛」、「算唔算間接認自己寫得X」、「唔係好明佢嬲乜」、「就算比人笑都抵啦，寫句咁嘅詞，人唔笑狗都吠」、「但係啲詞係佢自己寫嘅，即係點，佢都唔認同自己寫嘅嘢？」。
其他文章：
陳詠謙前妻陳意嵐突爆再婚 直言經營婚姻不容易感謝新婚老公努力成長
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應