劉偉恒大爆曾志偉15分鐘爆笑接拍過程 首合作《出租家人》獲前輩高度尊重丨獨家

劉偉恒（Benny）執導的作品《出租家人》，以冒牌家人做主題，講述家人關係的故事。Benny的父親於2000年離世後，便很想拍有關家庭的電影，到疫情見到很多人不能跟家人見面，觸發籌拍這作品。曾志偉主演兼任出品人及監製，Benny大讚前輩好照顧後輩，而主題曲更搵到草蜢主唱，自覺相當幸運。採訪：杜杜 攝影：譚志光

Benny很怕題材太說教，所以用喜劇來包裝。

Benny很怕題材太說教，所以用喜劇來包裝。

Benny很怕題材太說教，所以用喜劇來包裝。

Benny完全想像唔到，可以請到曾志偉演出，兼任出品人及監製，「諗呢個故仔時，好純真去諗呢個角色邊個做好呢？如果係曾志偉就好嘞！」結果經監製安排下，最終能跟互不相識的曾志偉見面，「最初以為段數咁高嘅前輩，要過好多關或者寫幾次計劃書先得，點知佢睇完劇本，合埋眼15分鐘，以為佢瞓着咗，或者諗緊點推我，但佢突然間打開眼話『搞啦，幾好，呢個好玩吖』」

戲中曾志偉，恬妞、周家怡和陳家樂是冒牌家人。

Benny跟戲中主角出席電影首映禮。

電影請得恬妞演出，Benny感激曾志偉建議兼負責邀請。

《Framily》並非錯字

Benny最感激前輩不單肯出任監製，在製作前期已不斷提點他，但在拍攝現場對後輩亦相當尊重，「每次埋位前都會好客氣問『呢場戲你想點』，佢會睇吓導演個角度先，跟住就會答『就咁啦』，埋位就演得好好。」他亦感受到前輩真心愛錫這行業的人，「佢重來冇畀過一句唔好聽嘅說話我，亦冇留難過我，有好多要求或者遲到早退嗰啲，佢好明白一套戲，時間就是金錢。」

作為新導演，Benny在現場有前輩照顧特別幸福。

Benny和陳家樂早前為電影領取金雞華語電影節的「年度期待華語電影」獎。

電影另一個幸運就是請得草蜢唱主題曲《Framily》，原來最初蔡一智在網上看到「Framily」代表如家人般親密的朋友時，覺得很有趣而創作這歌，跟電影完全沒有關係。Benny解釋本身是草蜢粉絲，是相識多年好友，阿智就如哥哥一樣，每個作品都會畀意見，「今次請佢嚟睇，講起搵唔到歌啱套戲，佢就話咁啱寫咗《Framily》，一睇歌詞就fit晒，一粒字都唔使改，好多人以為我哋串錯字。」

Benny與太太跟蔡一智夫婦，在首映禮相聚。

Benny已跟前主播太太王沛然及兩名囡囡一齊欣賞作品。

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

 

《星島頭條》新網站有更多精彩內容：http://www.stheadline.com/