鍾舒漫感恩經濟從來冇問題自資6位數出新歌重返樂壇唔怕Out丨獨家

2024-03-08 06:00

相隔4年，鍾舒漫（Sherman）以獨立歌手身份推出全新單曲《What You Get》，重返樂壇面對新人輩出，39歲Sherman坦言也有留意現況，但堅持自己心態及想法最重要，呢幾年學懂「放手」，認為做人最重要懂得放低，加上有好姊妹衛蘭、衛詩和王君馨相伴，也和胞妹Sukie同行，不會單打獨鬥。採訪：方騫平攝影：錢文坤場地：The Stadium

鍾舒漫唔會放棄唱歌及跳舞。

《What You Get》MV有多個造型。

鍾舒漫新歌《What You Get》歌詞提及「What you see is what you get」，似唱緊她近年經歷的事，睇得見就做得到！她坦言「重生」之路唔容易，出歌過程面對好多困難及傷害，早期試過跟合作單位理念不同幾乎唔成事，但她不斷自我安慰：「啱嘅門會開；唔啱都唔可惜，最緊要學懂放手重新再開始。」

同導演男友已分手

今次出新歌雖然獲網上平台贊助，但Sherman為求MV達到自己要求的質素及效果，自資6位數字加碼揼本製作，但強調好值得，一啲都唔肉赤：「人生有好多唔同嘅搵錢方法。」至於收入來源，Sherman解釋雖然4年間冇新作品及少宣傳，但仍然有Job接，而且有其他小生意做，跟胞妹鍾舒祺（Sukie）財政冇分彼此，會互相照顧。她感恩經濟上沒有問題，打算年底再出歌：「冇儲蓄就係假嘅，亦唔係吓吓講錢，睇吓有幾想做啫，要應使得使，花得合理。」

去年6月Sherman 39歲生日時，胞妹鍾舒祺及好姊妹王君馨、G.E.M.（鄧紫棋）現身慶祝。

Sherman對上一首歌《未夠癲》經已係4年前嘅事。

Sherman對年輕跳舞歌手情有獨鍾，大讚Marf(邱彥筒)、Winka(陳泳伽)、Jace(陳凱詠)：「睇得出佢哋鍾意跳舞，否則會冇Feel。」至於MC(張天賦)、Gareth.T(湯令山)好有潛質。另外，她跟導演男友手已分，強調目前單身，專心工作：「有好姊妹團喺身邊唔會孤獨，我哋會喺群組互相打氣，呻吓及祈禱。」