詹Sir想做就做玩即興 10年磨一劍 秘魯之旅啟發多

人稱詹Sir的「香港舞台劇教父」詹昊宸（前名詹瑞文）於舞台劇界舉足輕重，繼《快樂勿語》後，相隔10年創作單拖喜劇《即興之王》，本着即興之道，想做就做為原則，以全新班底製為香港人製作一套用快樂製造養分的舞台劇。文：鄺芷瑩   圖：羅安強

《即興之王》預計在4月初於新蒲崗胡李名靜體育館舉辦8場，其實詹Sir早在去年5月已經有這個劇的構思，加上11月的秘魯之旅遇上各種人生前所未有的體驗，再一次激發靈感：「我覺得要突破—些創作及表演上的習慣，所以過去10年去學習新領域的知識，包括心理學、新科學、接觸不同的人，令我自己可以有新思維方式做往後的作品。」

繼《快樂勿語》後，詹sir相隔10年再創作《即興之王》。

去年11月的秘魯之旅，令詹sir啟發不少靈感。

妻子去年因病離世，令詹sir發覺要更懂得珍惜所擁有的一切。

詹Sir早在去年5月已經有這個劇的構思。

詹Sir笑言去年5月跟團隊提及想搞騷，個個指他是「即興王」，不如將劇名叫做《即興之王》。自認好「即興」的詹Sir，笑言試過想住那一區，很快選出心目中單位，落訂後簽約翌日就搬屋：「我嗰種活在當下並唔係任性、衝動，而係聽我自己心入面嘅聲音，覺得邊樣對自己最好，我就會去做！呢個演出、新環境同新動力，都係覺得感覺嚟係啱會去做，咁會慳返好多時間，因為做創作或跟朋友傾偈時成日講想做邊件事，講好耐都無做，最後做返第一個想做嘅諗法。」

今次舞台劇的海報造型也花了不少心思。

詹sir鼓勵睇舞台劇的觀眾可以主動參與及互動。

加場與否即興
對於秘魯之旅啟發不少靈感，詹Sir透露同行的一位老師曾經於廿年前，在馬丘比丘發生火車意外，但對方離奇無事，而逗留當地三個月期間遇上一班少數民族，被告知對方其實是印加帝國以前，歷史上的一位公主，其後更跟隨他們學習祝福儀式。他說：「佢每年都會帶一啲有緣人去朝聖，我喺2019年認識呢位老師，去年5月構思會做呢個《即興之王》時候，突然心血來潮好想跟佢去，而呢一年係佢最後嘅秘魯之旅，我就把握呢個機會排除所有鎖碎工作就去咗！我哋真係去咗好多人間仙境，係要搭好多個鐘車程，又上到4,000多米的海拔，還要騎馬再徒步3個鐘先到達山上面。當時見到個景象好平靜，我覺得去到嗰度畀到好多啟發，人生好難得可以去呢個地方，有自己人生亦好難得，係咪應該珍惜自己所擁有嘅嘢。」
詹Sir表示一向創作作品較為貼地，今次《即興之王》的觀眾可以主動參與及互動，他認為人生有高低起跌，無論條路幾難行也好，快樂正能量很重要：「記得2004年金融海嘯，當時我都用呢種心態助人自助，你令人開心，同樣觀眾畀開心我，我亦都有能量繼續工作同生活，《即興之王》都有呢個方向。」詹Sir的第2任妻子兼經理人Amenda於去年4月因病離世，他坦言是人生其中一件大事，發覺要更懂得珍惜所擁有的一切：「我覺得越能夠發揮得最好，太太同父母離開咗我，佢哋好開心見到我好積極生活。」談到《即興之王》舉辦8場，可會考慮加場？詹Sir笑說：「即興囉！鍾意睇我咪加囉！」

 

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ