江嘉敏否認蜜運買花催旺事業 何廣沛談結婚直認要按步就班
2024-02-26 21:15 
何廣沛與江嘉敏在《博愛歡樂傳萬家》記者會上一同受訪，問及江嘉敏於元宵節在網上曬出「花花熊」，她表示是自己買的，因她覺得那隻熊的背影很似自己養的貓，一樣肥肥白白，不過就被何廣沛嘲「物似主人形」，江嘉敏表示元宵只跟妹妹食湯丸，問到情人節點過？她即扮傻問：「幾時？唔關我事好耐。」但之後就自爆今年首次在花巿買桃花，問到是否想有桃花運？她說：「我哋呢行觀眾緣都係桃花運，所以買桃花旺下！（男人緣呢？）男人就隨緣，勉強唔到。」更笑言日後若有男友，一定會給何廣沛過目。
至於蜜運中的何廣沛則表示情人節當日跟女友去吃連鎖餐廳：「情人節只係一個日子，最重要係同邊個過，（有送禮物？）有送禮物有送花，基本嘢有做足。」問到有沒有打算今年結婚？何廣沛只表示若有好消息就會宣布，問他是否已有計劃？他說：「在心中。（求婚未？）在心中，所有嘢都喺我心中。（答應咗？）有進一步消息同大家講。（有冇造人大計？）一步一步嚟，所有嘢按步就班。」對於舊緋聞女友朱晨麗有傳今年結婚？他即拒答說：「呢啲唔講。（好耐冇同佢傾偈？）唔講喇！」
最新回應