TVB賽馬日丨逾30花旦小生現身！50歲陳煒Deep V上陣 驚爆朱晨麗今年結婚？
2024-02-18 16:30 
TVB賽馬日今日（18日）於沙田馬場舉行，TVB行政主席許濤、總經理曾志偉、蕭世和，以及超過30藝員包括陳煒、朱晨麗、高海寧、陳展鵬、蔡思貝、姚子羚、何廣沛、劉穎鏇、劉佩玥及羅子溢等參與。
相關閱讀：TVB賽馬日丨曾志偉爆《中年好聲音》開大灣區版！今年復辦華姐 福祿壽有新搞作
TVB賽馬日哪些花旦小生現身？
蔡思貝旗袍惡鬥高海寧貼身長裙
身穿貼身連身裙的高海寧（高Ling）與著上旗袍的蔡思貝現身馬場，最近因《新聞女王》 人氣急升的高海寧更延續旺氣，被眾多馬迷集郵。高海寧指今日的衣着是以端莊行先，至於蔡思貝則希望旗袍這種傳統服飾成為主流，又笑言著旗袍希望大家可「旗開得勝」。問到兩人是否有買馬試運氣？高海寧指第一次入馬場的時候也有贏過，之後也有贏一點：「今日試吓運，我覺得應該OK，（你攞獎，啲運延續到今年。）我寧願將啲運擺喺正財上面。」
至於蔡思貝的緋聞男友胡鴻鈞早前因攜帶加熱煙入境惹官非，蔡思貝坦言知道此事，也有關心對方，問到是否覺得胡鴻鈞這次很大意？她說：「每個人都有犯錯時候，佢都同大家公開致歉，我相信佢喺呢個錯誤上到上咗一課，我相信佢清楚知道明白。」蔡思貝又指之前試過因我想慳運費，所以叫胡鴻鈞幫她帶一點東西回港：「其實好多朋友都會咁做，可能一時間冇為意，（佢為咗呢件事心情麻麻？）相信佢OK，知道自己做錯事，勇於承擔。（以後唔叫佢幫忙？）我自己都唔好慳少運費。」
相關閱讀：胡鴻鈞「加熱煙風波」後首現身！再度認錯：要惡補熟悉所有法例
陳煒與老公去嘉年華
剛由加拿大登台返港的陳煒和朱晨麗一起受訪，陳煒指來得及返港與老公過情人節，更甜絲絲指因有時差關係，所以大部份時間都是在睡覺，但老公仍然很早已訂了花給自己：「好有心，多謝佢啦，我哋仲去咗嘉年華玩，掟咗好大個公仔。（有收禮物？）唔使，就算同佢食大排檔都開心。」
當問到朱晨麗如何過情人節時，陳煒即爆響口指對方鸞星動，今年會嫁，搞到朱晨麗勁尷尬，雖然期間她一直否認，但陳煒則繼續笑指：「佢係呀！」而朱晨麗則表示現時仍在努力中，但也要隨緣，問到是否出年可以派雙封利是？她說：「我依家都可以派。（保護戀情？）隨緣。」不過陳煒聽後即再說：「佢唔好意思啫，女仔怕醜，但唔認就唔得。」
劉穎鏇媽咪返港過年
劉穎鏇與劉佩玥一同穿上綠色裙現身，劉佩玥指若兩人出席同一場合時，都會事先問對方著什麼，不過兩人今次則屬巧合，更笑言是心有靈犀。劉佩玥隨後又狂讚劉穎鏇靚女之餘身材也好又可愛：「細心照顧人同無限包容，如果我是男仔一定會娶佢，唔擔心佢嫁唔出。」提到情人節，劉佩玥指因是農曆新年關係，當日去了拜年，與家人一起渡過。
劉穎鏇今年新年很開心，因為媽媽返港與她一起渡過，她透露新年時與父母去了台灣旅行，笑指今次雖然瘋狂「掃街」品嚐當地美食，但卻沒增磅：「每樣嘢食只食一啖，其餘都畀爹地媽咪食，畀佢哋投訴谷肥佢哋。（有冇艷遇？）冇留意，我焦點喺嘢食度。」
其他文章：
蔡思貝獲「餅印」父母慶祝33歲生日 蔡父蔡母外表年輕惹網民關注
50歲陳煒驚爆街頭「暈倒」？ 臉無血色躺地嚇窒網民 被途人圍觀關心
36歲TVB花旦生日群星現身！陳煒老公臉色差網民憂心健康 陳庭欣與富貴男友情侶裝到賀
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應