專欄｜沙比阿朗素教紅軍啱時機嗎？

以教練嚟講，沙比阿朗素可以話係集百家之大成，又跟過肥安、肥賓、摩連奴等名帥，令佢領略過很多不同戰術，所以喺利華古遜教得順風順水，但季尾真係轉會最佳時機？

現在沙比阿朗素大多數嘅轉會傳聞都係季尾接高普手，轉到利物浦，但對佢嚟講，年資絕對是重大考量。今年只不過係佢第二季教藥廠，去到聯賽現在21場不敗當然係佢嘅功勞，但要知道如果佢轉會到利物浦，係兩支完全不同歴史地位嘅球隊。今年阿朗素帶利華古遜衝冠，但佢哋從未奪得過德甲冠軍，而利物浦已經係每季目標為爭標嘅球隊，又攞過歐聯同英超冠軍，實在不容易，只係教過兩年夠唔夠能力應付，我will仔係覺得言之尚早。

穩定性亦都係其中之一，今年表現之好，很大原因都係球員嘅爆發，邦尼菲斯同謝利美費林邦等球員表現得非常好，亦有時係靠一時嘅絕殺，再加上阿朗素來季好大機會第一次執教球隊出戰歐聯，難度非常高，雙線作戰絕對唔容易，有很多領隊都係𠵱個時候「瀨嘢」，所以阿朗素喺利華古遜再執教多一季先係上策，再將球員磨合得更好，擁有經驗去執教更殘酷嘅歐聯賽場，睇嚟會更加穩陣。

要阿朗素去利物浦相信係好多球迷嘅心願，或許機會跌到落嚟係要爭取，成為時代嘅改變。又或者，係我will仔想得太過悲觀啫。Willhappy

-----

《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ