獨家丨54歲喬寶寶呻有心冇力：你估我係李龍基咩 經常唔黐家喬嫂嫂唔擔心偷食

已舉家移民蘇格蘭的喬寶寶，月前趁着黃金假期返港快閃掘金，他堅持趁行得走得周圍搵食，雖然每年僅陪得妻兒4個月，但寶寶強調只要每月準時出糧，喬嫂嫂就冇詐型，更加唔會擔心他搵「小三」！寶寶大笑說：「一把年紀，有心無力啦，你估我係李龍基，72歲都咁勁揪咩！哈哈...」採訪：方騫平 

喬寶寶到林村感受過年氣氛。

今年農曆新年喬寶寶不會留港渡過。

喬寶寶返港接Job搵啲私己錢。

寶寶有搞笑形象。

農曆新年期間喬寶寶轉往美加登台，4月接住再返港拍廣告，行程算係緊密。不過，寶寶坦言香港市道真係差咗好多，相對去年同時間工作量少咗5份4，今次扣除住宿等成本只係賺得近10萬，唯有當寓工作於探親及玩吓，和港人共渡時艱，也藉着商演唱好香港：「今次返嚟除咗搵錢，都不忘回饋社會派福袋畀老人家，做啲有意義嘅事。」

留港期間不忘做善事派福袋。

好有善心。

此行同朱咪咪及尹光到佛山登台。

仲有玄學家麥玲玲。

喬寶寶經常返港搵快錢。

滿臉鬍鬚肥佬冇人吼

54歲嘅喬寶寶想趁住有氣有力賺啲私己錢，減輕大仔「印度豹」經濟壓力，就算時常唔黐家，他笑言喬嫂嫂見錢仍有安全感，而且印度人好少離婚，他笑說：「都幾十歲(54歲)喇，有槍都冇子彈，更何況連自己都養唔掂，唔通貪你滿臉鬍鬚嘅肥佬咩？雖然成日口花花，但經已有心無力啦。」提到72歲李龍基都有36歲嫩妻喎，寶寶求知欲超強，即問記者，「唔知食乜補品咁勁揪？一定好靠後天保養，固本培元才能生龍活虎。」

喬寶寶話老夫少妻唔係個個得，佩服李龍基。

年輕時「四四正正」嘅喬寶寶跟鄧麗欣合照。

喬寶寶、喬嫂嫂好恩愛。

喬嫂嫂有孫萬事足。

喬寶寶形容自己只係滿臉鬍鬚及冇錢嘅肥佬。

喬寶寶想趁住有氣有力賺啲私己錢，減輕大仔「印度豹」經濟壓力。

喬寶寶孫女喬愛美好可愛。

好好笑容喎。

愛美有啲似男仔樣。

喬寶寶近年長居蘇格蘭過住半退休生活。

喬寶寶、喬嫂嫂開心抱住孫仔、孫女。

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ