專欄│點會「無咗邊個唔得」？

常言道「無話無咗邊個唔得」，但事實上艾雲東尼一復出，賓福特馬上止血，呢句名言後面是否應該加一句「不過有番XXX會更好」？

「無話無咗邊個唔得」通常代表機構中即使有人離開也不會影響日常運作，原理是今時今日制度往往比個人更重要。不過越是資源緊絀的機構，個人影響力就越重要，球會架構或戰術陣式雖然是基本，但實際搶分還是要靠場上球員衝鋒陷陣。

賓福特一度經歷各賽事1和6負的劣績，然而甚少傳聞關於湯馬士法蘭克帥位不穩，似乎球隊上下都知道，只要艾雲東尼一復出，球隊馬上會重回正軌。結果上場聯賽東尼停賽8個月後復出，便立即以隊長身份貢獻一個入球，助球隊主場3:2擊敗諾定咸森林，一洗頹風。足球尤其特別，有能力交出致命傳送或最後一腳的球星，往往非常難求，所以「無咗個有能力放個波入網既球員無話唔得，但有番艾雲東尼會更好」是否更適合賓福特？

明晨英超賓福特作客熱刺，主隊正好相反，季初無哈利卡尼季中再無孫興民，本輪前仍在聯賽第5位，所以最有資格說「無話無咗邊個唔得」。不過如果「無話無咗邊個唔得」真係金科玉律，以後強隊壟斷就難以打破，所以私心想賓福特今場至少保個不敗，最好艾雲東尼又有貢獻，好讓英超多點故事性。加利李爾

-----
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ