你好，打劫丨劉德華探班支持出品舞台劇主角楊偉倫麥沛東想做巡演兼拍電影版

2024-01-24 20:15

《你好，打劫﹗》舞台劇由劉德華出品，饒曉志擔任藝術總監，張達明執導，楊偉倫（阿卵）、麥沛東（麥東）、魯文傑（Simon）、巢嘉倫（阿巢）、蔡頌思（Jocelyn）以及黎逸正（Sunny）主演，該舞台劇為黑色幽默喜劇，講述匪徒打劫銀行並與人質被困在同一空間之中。舞台劇將於2月1日至2月4日假香港藝術中心壽臣劇院公演，門票早前開售，極速售罄，作為導演的達明跟團隊上下都感到非常振奮。

華仔特別到場探班，為所有演員和導演打了一支強心針。

魯文傑、楊偉倫、黎逸正、巢嘉倫、麥沛東和蔡頌思是今次舞台劇的主要演員。

楊偉倫飾演其中一位賊仔。

六位演員為舞台劇排練得如火如荼。

《你好，打劫﹗》為黑色幽默喜劇。

雖然只是排練，但三人巢嘉倫、魯文𠎀、蔡頌思一樣做得非常投入。

今次舞台劇由張達明執導。

阿卵跟麥東前年在《正義迴廊》中飾演殺人案共犯，今次兩位就轉為賊仔拍檔，他們指舞台劇門票售罄反應熱烈，期待加場，阿卵表示：「感覺幾神奇，一嚟呢套係舞台劇作品，大家都知道可能今年市道又可能真係唔算好，但都好快賣晒。」兩位戲裡戲外都默契十足，同聲表示希望世界巡迴演出，更輪流笑指想去肯雅，津巴布韋等，站在兩位主角中間的Jocelyn就想去吳哥窟演出，說要宣揚粵語文化。出身名門，本身有40億千金之稱的Jocelyn，更即場被麥東慫恿投資開拍《你好，打劫﹗》電影版：「試下投資囉，你有冇試過投資一啲戲劇，不如你開一套戲啦。」Jocelyn就即場推開話題，叫老闆華仔考慮一下。

麥沛東。

楊偉倫。

蔡頌思（Jocelyn）。

魯文傑（Simon）

張達明。

早前華仔聯同《你好，打劫﹗》原著導演饒曉志探班，阿卵非常感謝華仔今次大力支持：「劉生好supportive，佢都會有一啲意見，你見到佢睇嘅時候，佢會好興奮，話呢度其實可以咁樣演，又會交流諗法。」至於麥東就非常多謝饒曉志持開放態度，鼓勵他們將其原著再潤飾改編，更搞笑指要進行不可能任務：「佢哋內地演出的版本，有女人有男人做過我的角色，男人嘅都係嗰啲高大靚仔嚟嘅，咁我又唔係好夠高大，饒導佢就話其實都可調適返你哋排戲嘅人腳去再處理，我就依家努力啲，變高啲，諗住趁呢兩個禮拜。」

達明跟Simon、阿巢、Sunny都異口同聲表示當日見到華仔探班感覺興奮，第一次跟華仔合作的Simon說到：「劉德華先生，我8歲時候你已經係我偶像，所以見到面真係緊張同好開心。」阿巢：「劉生當日畀嘅意見係令我哋點樣可以再靠近啲觀眾，佢呢一個諗埋觀眾點樣一齊去閱讀呢件事，我覺得係好值得學習。」Sunny：「係有啲緊張，無估過會真係見到劉生，而且佢都畀好多好有用意見我哋。」至於達明就講到跟饒導即場交流劇本，對方會解釋創作時的想法。