富泰「三太」身體出現問題？曾因脫髮問題星途受損 因一事只可以「坐住瞓」
2024-01-22 12:40 
52歲樊亦敏近年憑《愛·回家之開心速遞》的三太白天娥一角深受觀眾歡迎，再加上樊亦敏減肥成功回復最佳狀態後，獲網民大讚越來越靚。不過樊亦敏日前在周國豐和伍仲衡的YouTube節目訪問上，重提當年曾受脫髮問題困擾，甚至因為一個原因，只可以「坐住瞓」！
相關閲讀：星級品味｜靠收藏天價Hermès手袋致富？樊亦敏揭成小富婆之道：要分散投資
周國豐日前現身周國豐和伍仲衡的YouTube節目訪問，樊亦敏在《1991年度香港小姐競選》並獲得最上鏡小姐後展開演藝生涯，本來當年受到公司力捧，不過因為身體出現問題而影響星途，樊亦敏在節目上亦有重提此事，她說：「嗰陣公司對我好好，不過我因為免疫系統出現問題，幾乎甩晒啲頭髮變光頭，嗰陣醫咗好耐，唯有戴假髮。本來嗰陣有機會同鄭伊健去台灣發展，但係因為停唔到咁甩，拍唔到劇集，唯有轉去做音樂主持。」
周國豐忍不住問由一個靚女變到有這問題出現，當刻怎可以接受？樊亦敏說：「一定有唔開心，唯有去面對，嗰陣都諗點樣去醫，可能我係雙子座，唔會將一件事睇得太集中，嗰陣我用咗幾年時間土去醫好，不過而家久唔久都會甩，只係冇以前咁嚴重。」樊亦敏還說自己最大問題反而是肺弱：「我嘅哮喘好嚴重，而且仲係過敏性哮喘，試過有幾年係要坐喺度瞓，如果瞓低嘅話係抖唔到氣，我當自己係一個貴妃。」樊亦敏更稱試過坐飛機因為氣壓問題而暈低：「我記得有次喺倫敦飛返香港，唔知係咪食錯藥出現過敏，搞到抖唔到氣，最搞笑係上機前仲食咗半粒安眠藥，好驚自己瞓醒掹大眼會見到佛祖，好彩最後係見到香港機場。」
樊亦敏曾受脫髮問題困擾：
談到目前身體狀況，樊亦敏說：「好咗好多，我而家中、西醫一齊調理， 當然發作嘅時候，睇西醫係最快。我記得千禧年大家睇煙花嘅時候，我就係喺急症室度過，我係急症室之友，熟到好多步驟都一清二楚，連醫護人員都熟晒。以前我去旅行時候係多一個喼，放晒啲藥同呼吸機，因為我一日要吸三次藥先可以出得街，不過而家嘅情況好咗好多。」樊亦敏還說：「以前仲試過食食吓飯唔見咗人，搞到啲人覺得我好怪，其實因為以前啲人可以喺室內食煙，搞到我有啲唔舒服，唯有去洗手間抖氣，所以我好少約人出去食飯，連出街都唔係太多。」
其他文章：
愛回家丨樊亦敏剪短髮超減齡做一動作即變大媽 曾患病狂脫髮陷人生谷底
隱形戰隊丨樊亦敏少女心大爆發向黃子恆送秋波 修身成功外貌「唔輸蝕」畀啲小花
--------------------
《區區有申訴》答問題送盆菜，現正進行利是公價問卷調查，編輯部會揀選最具創意的得奬者，送出價值$1698「新春佛跳牆盆菜」套餐或價值$198「五福臨門煲」︰ https://bit.ly/3Ucj7tg
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應