獨家丨梁敏巧為拍劇乜都得：除咗露3點 「東張女神」唔介意落水透Bra出鏡

梁敏巧（Maggie）2019年參加港姐入行，2021年加入《東張西望》做外景主持，由於採訪夠搏命，更試過遭被訪者襲擊，加上樣靚有身材而獲封「東張女神」。Maggie認為做藝人肯搏肯捱是基本，更希望有機會挑戰演戲，最想合作是欣賞多時的人夫男神黎諾懿。採訪：杜杜 攝影：朱偉彥

主力做《東張》的Maggie，希望今年可以拍劇和旅遊節目。

主力做《東張》的Maggie，希望今年可以拍劇和旅遊節目。

主力做《東張》的Maggie，希望今年可以拍劇和旅遊節目。

Maggie認為被封「東張女神」是過譽，又笑言：「我只係女神經啫！」入行前在樹仁大學讀新聞系，曾任港聞記者的她，很享受《東張》工作，「好玩，好刺激，做完嘅個案出咗街真係幫到人，都幾有成功感，同我當初想做記者嘅目的幾似，所以幾開心。」講到最難忘個案，肯定是她既是苦主又以主持身份採訪的國際網上騙案，「雖然有人盜用我嘅相喺網上呃人，唔係我去害人，但個心都好唔安樂，採訪時會更加上心。」

在Maggie的ig不難搵到性感相，滿足一眾粉絲需求。

Maggie有身材又肯搏，難怪深得觀眾喜愛。

去年10月，Maggie採訪「難民食物券」事件，慘被打傷嘴角。

恨演奸人扮八婆

採訪時瞓身演出的Maggie，試過被打傷又被恐嚇，就連採訪公司活動，都被推落泳池兩次，搞到透晒Bra，但她完全唔介意，「嗰次去到現場係夾咗咁做嘅，好彩我諗住去泳池做嘢，都有帶多咗套衫，但冇着泳衣打底，都擔心出唔到街。」她又認為在娛樂圈工作，夠搏是基本條件，「做得呢行一定要盡全力去做，希望做到畀人留意到！」

去年5月，Maggie訪問期間，被陸浩明、Bob、金剛和楊潮凱推落泳池。

沒有泳衣打底的Maggie，上水時一度透Bra。

除了做主持，Maggie仲希望拍旅遊節目及拍劇，而搏命態度不變，「除咗露3點，乜都得，剃光頭都冇所謂，做得藝人都預咗試唔同嘅嘢，有包袱嘅話點做藝人呢？！」她最想演奸角同八婆，「同我反差好大，現實唔會咁，咪想拍戲試囉，應該幾好玩！」講到最想演對手戲的男神，她首推人夫黎諾懿，「佢高大靚仔，入行前都覺得佢好吸引，入行後覺得佢更吸引，拍兒童節目《Think Big天地》，佢做嘉賓會提點我，對後輩好照顧，同佢合作拍戲都會安心啲。」

2019年，Maggie 參加港姐成功打入10強。

Maggie做《東張》必備3寶防身，包括波鞋、褲及長遮。

《區區有申訴》答問題送盆菜，現正進行利是公價問卷調查，編輯部會揀選最具創意的得奬者，送出價值$1698「新春佛跳牆盆菜」套餐或價值$198「五福臨門煲」︰ https://bit.ly/3Ucj7tg

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》新網站有更多精彩內容：http://www.stheadline.com/