人妻謝安琪拖嫩樣男星互動甜蜜 網民撐CP感重老公急公開放話
2024-01-19 21:30 
現年43歲的關智斌（Kenny）最近在ViuTV新劇《法與情》中，飾演假冒投資專家的「Hugo」，與飾演富婆「Dora」的葉璇談情，二人更有多場咀戲及床戲。而戲外，關智斌卻與劇集女主角、人妻謝安琪（Kay）展開番外篇，二人互動極親密，引起謝安琪老公張繼聰在網上宣示主權。
相關閱讀：謝安琪一家四口旺角夜繽紛！43歲張繼聰被嘲潺過大仔「財多身子弱」以12字反擊
謝安琪背老公張繼聰冧關智斌？
謝安琪與關智斌日前一同在IG出PO，晒出幾張拖手互動的合照，更有一條影片，見到二人全程拖到實，謝安琪先主動摸關智斌髮鬢，之後又到關智斌輕撥謝安琪碎髮，謝安琪更露出怕醜笑容，互動非常甜蜜。謝安琪的老公張繼聰即在帖文下回覆：「我老婆係好鍾意靚仔，你睇佢現實生活？唔通貪我有才華咩？btw，兄弟，你又靚仔做戲又用心人品又好…幾時請我食飯？」
謝安琪盼與關智斌再合作
在謝安琪的帖文留言解釋與關智斌的關係：「《法與情》KKKK番外篇，話說當日拍攝結婚場口，等緊埋位嘅時候……見大家都着得咁靚靚，就影低咗呢啲funny相，Hugo同Angel兩個……每次碰面都係咁搞笑。Btw，真心覺得除咗你，Hugo一角真係冇第二個可以演繹得咁淋漓盡致，希望快啲有機會再同你合作。」關智斌回覆：「這位情慾擔當名不虛傳」。
《法與情》葉璇關智斌似姊弟戀：
網民指眼神有愛
不少網民見到謝安琪與關智斌甜到漏的互動，已忘記謝安琪已是人妻，大讚二人合襯：「有點甜」、「個眼神會唔會太有愛？」、「襯到咁得唔得㗎」、「好襯啊！下次就試吓演情侶啦！」、「用返璇璇嗰句，乜咁樣都得嘅咩？！」、「法與情變咗婚外情」、「有啲好奇張先生有咩回應」，又有網民問：「忍笑應該忍得好辛苦」。
其他文章：
葉璇「花癡」激戰一男星又攬又錫 網民指似大媽強吻小鮮肉 原來兩人同年！
法與情丨關智斌再施美男計冧爆葉璇變花癡 前港姐季軍罕現身寸咀狙擊賈曉晨
法與情丨43歲葉璇床戰關智斌逐格睇！花癡上身激發情竇初開表情 被色誘下獻身又獻金
《區區有申訴》答問題送盆菜，現正進行利是公價問卷調查，編輯部會揀選最具創意的得奬者，送出價值$1698「新春佛跳牆盆菜」套餐或價值$198「五福臨門煲」︰ https://bit.ly/3Ucj7tg
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應