專欄｜亞洲盃驚現新沙拿

亞洲盃決賽周，雖然我已經太耐無睇開本地波同香港隊，但「撐」嘅嘢唔使咁多理由，就當自己去睇外甥仔女參加比賽咁嘅心情，Fit晒！不過，原來過程中都需要做一種調節，就係要放低平時睇開歐洲波的眼光，否則會辛苦自己。坦白講，睇第一場亞洲盃港隊對阿聯酋，我都用咗成半場波的時間去調整，尤其到下半場港隊追成平手嗰刻就真係入晒局。希望嚟緊港隊都能交出如此鬥志同好表現。

同樣情況就好似最近有世界傳奇明星隊來港打賀歲波，當中都有幾名曾經好鍾意的球星如迪比亞路、李華度、費高會登場。不過，我就真係的唔起心肝去睇，或者因為十幾年前試過睇已「退役」的歌手王菲的演唱會，感覺已經截然不同。自此對呢種主打「回憶殺」的場合避之則吉。若有人要去，我唯一建議係事前做好心理調整。

我都係喜歡發掘下新鮮有趣的人和事，今屆亞洲盃最令我眼前一亮的球員是主辦國卡塔爾的阿費夫，這個「新沙拿」，技術、速度、閱讀球賽能力絕對可以在最高水平的賽事競逐。南韓都有個李康仁畀到新鮮感，加上防守好，應能助球隊輕取約旦，半場波膽1:0全場3:0有15倍，抵玩。馬高

-----

《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyFhttps://bit.ly/3uJ3yyF

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ