亞洲盃直擊｜南韓妹妹狂熱地愛 孫興民練波引發爆燈尖叫聲

【吳家祺卡塔爾直擊】 

亞洲盃次熱門南韓周一晚出場，E組首仗無驚無險，3:1挫巴林打響頭炮。天王孫興民今仗被隊友李康仁搶晒鏡，但在南韓女球迷心目中，老孫始終係無可替代NO.1。

女fans等孫興民出場前玩自拍。

今次決賽周南韓派最強陣，効力熱剌孫興民、聖日耳門李康仁、狼隊黃喜燦三大前鋒全部入選，對冠軍志在必得，外界亦期待決賽會係南韓對日本，上演夢幻戲碼。

女fans等孫興民出場前玩自拍。

南韓咁多星，但最得人鍾意，始終係孫興民，特別女球迷，徹底地嗒糖。對巴林前一課操練，開放給球迷參觀，每次老孫一掂波，都會引來大批女粉絲尖叫，其他隊友完全沒有這種待遇，的確好偏心。

李康仁（中）射入巴林兩球，都係靚波。 Reuters

操練攞全彩，但對巴林一戰，孫興民表現只屬一般，完場前曾錯失單刀入波良機，更曾因假跌被中國球證馬寧出示黃牌。

黃仁範上半場為南韓先開紀錄，雖然巴林下半場一度扳平，但李康仁在56及68分鐘射入兩球，說明自己為何會受法國班霸聖日耳門重用，南韓亦以3:1打響頭炮。