《金手指》票房各地創出佳績 姜皓文與劉德華對戲改頭換面

英皇電影《金手指》在香港公映短短一周，票房已勁破2千3百萬，榮膺2023年聖誕新年檔開畫票房冠軍；內地亦反應熱烈，票房超逾3億人民幣大關；台灣、新加坡、馬來西亞同時傳來喜訊，《金手指》的三地開畫票房，均是2023年港產片之冠！

黑哥前期是銀行副總裁，所以比較斯文企理。

在劇中跟梁朝偉是合作關係

 《金手指》雲集多位金像級好戲之人，最佳男配角姜皓文亦有份參演，飾演要角銀行副總裁穆沙拉哈法，跟偉仔、華仔以及任達華三位影帝有對手戲，當中一幕跟華仔監獄談判戲，甚至改頭換面留足廿幾日鬚！

黑哥前期是銀行副總裁，所以比較斯文企理。

黑哥說留鬚感覺好得意，只是有時不習慣會覺得好痕。

談判途中黑哥的角色時而冷靜，時而驚恐大叫，詮釋對梁朝偉的恐懼；那邊廂，畢生致力伸張正義的華仔，又要運用心戰技巧說服對方，兩位好戲之人成就一場張力十足的談判場面，黑哥表示：「我的角色最驚就是返香港，一聽到返香港就死得人咁樣，所以一路會想辦法去拒絕華仔，這個執法人員不斷引導我，這場戲我大嗌得好辛苦，情緒都幾飄忽，一時就回想返同胞被我累死了，幾down mood（心情低落）的一件事，但忽然間又好hyper（亢奮）抗拒回港指證，激動、激心！拍呢場戲導演給我好多資訊，又建議好多演出方法，我和華仔事前夾好戲裡的橋段，好多的語氣、情緒，可以順利完成，劉生與導演都幫了我好大好大忙！」

這場戲情緒起伏很大，是演技的挑戰。

兩大好戲之人在監獄中互相角力。

導演莊文強給了黑哥很多角色的資訊，令他更易掌握。

二人在事前夾好戲中的橋段和語氣等，務求拍起來更得心應手。

電影背景橫跨超過十五年，黑哥要因應劇情，呈現多個不同年代的造型，由銀行副總裁到潦倒囚犯，除了有賴劇組設計造型外，黑哥自己都花了不少心思，他說：「這個角色前期就企理啲，一副文學家模樣，入到去坐監，變得潦倒之後，又要留鬚，我自己就留了廿幾日鬚，拍戲以來我從未試過這樣留鬚，以前都是黐（鬚）多，今次留鬚感覺好得意，可能不習慣整天覺得好痕，洗澡時嗰塗些護髮素，原來可以令鬍鬚柔軟些，人都會舒服些，哈哈！」

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ