源生罪丨張建聲認愛24歲工展小姐後首公開現身 自嘲發展「父女戀」：唔犯法就唔緊要
2024-01-07 17:50 
任達華、吳家麗、吳卓羲及張建聲等今日（7日）到銅鑼灣出席電影《源生罪》首映禮，活動上眾演員要寫明信片，任達華寫了「心中有愛」，並指想把明信片寄給所有前輩。此外，張建聲早前認愛24歲工展小姐曾加晴，今日受訪都滿臉幸福。
相關閱讀：40歲張建聲晒咀嘴照認愛！與工展小姐發展父女戀 嫩口女友頻晒豐滿身材勁吸睛
電影《源生罪》首映禮：
任達華指今次故事以家庭為主，與吳卓羲也有很多對手戲，兩人更指在戲中為了保護家人去到好盡，而現實亦同樣重視家庭的任達華就謂除了家人以外，也要對社會負責任，要珍惜曾在5、60年代付出的長者及朋友：「雖然科技發達，但我建議大家多啲寫信同親人溝通，我文筆唔好，不過直至依家都成日寫嘢俾個女。」任達華又指與吳家麗合作也被考起，因今次導演安排曾與他飾演情侶的吳家麗做他的媽媽：「好難忘，吳嘉麗係性感女神，冇人能代替。我望住佢嘅眼神應該點？又諗番起《新紮師兄續集》佢演我女友，真係要發掘神級演技，可以擺入教科書！」任達華指當時只能跟吳家麗說要回憶以往跟她「談情做愛」的畫面：「真係唔知點算好，要放低好多包袱，當自己係一個新人。」
吳卓羲被催婚：盡力啦！
至於本來在元旦到內地出席倒數活動及踢賀歲波的吳卓羲，指兩個活動因某些因素要取消和押後，又表示早前特意上中山出席姪女婚宴，問到何時輪到他結婚？他就笑言：「盡力啦！」
張建聲新歡性感照：
張建聲公開戀情冲喜
張建聲早前在網上貼出照片，公佈跟24歲工展小姐曾嘉晴拍拖，張建聲今日出席電影《源生罪》時笑言因很快過年，所以公開戀情冲喜，又指事前沒有跟女友商量，只覺得感覺到就講：「我同我女友都拍咗年半拖，大家覺得穩定嘅時候都諗住Po上社交平台畀所有人知，我自從上一任後都冇戀情，突然間喺街俾人影到我都費事解釋，佢又見過我媽媽，咁不如公開。」至於是否有結婚打算？張建聲指自己今年40歲也會想結婚，加上之前為拍戲一直增肥和減肥，尤其是上年覺得新陳代謝比較慢，很辛苦，張建聲表示：「我會問自己50歲會唔會夠力湊小朋友，名號不會諗自己嘅事業基礎打好未，我唔想為結婚而結婚，但當我感覺到事業穩定，真係可以照顧我屋企人，就可以。」提到與女友年齡相距16年，張建聲也笑言是「父女戀」，女友還可以等，張建聲說：「 但我覺得無論係咩性別、人種、年紀都好有feel就係咁，就算爺孫都好，唔犯法就唔緊要。」
相關文章：
張建聲遇家居意外𠝹爆手縫14針 郭思琳產後復出仍未收身要紮肚
反起跑線聯盟丨張建聲惡煞樣嚇喊Billy 潘燦良反被Martin恰
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應