獨家丨鄧佩儀留加發展返港無期 苦讀年半完成學士學位勁感動

兩年前鄧佩儀（Gloria）於劇集《換命真相》首當女一，之後返回加拿大UBC尚德商學院，繼續未完成嘅工商管理學士學位及電影製作課程。苦讀年半，上月終於畢業，問到是不是開心過選美得獎時，戴上四方帽的Gloria向《頭條日報》分享喜悅：「獲2013華姐冠軍係驚訝，大學畢業係感動，兩者好唔同。」採訪：方騫平

31歲鄧佩儀終於戴上四方帽。

大學畢業係Gloria目標。

苦讀年半，上月終於畢業。

鄧佩儀成功獲得「Bachelor of Commerce」學位。

鄧佩儀是「2013年度國際中華小姐」冠軍。

在加拿大長大的鄧佩儀，今年9月在社交網貼文透露，「剛回到校園時，曾經因為外界的誤解而一邊流淚一邊溫書，不過很開心能夠熬過艱難時期，成為更堅強的自己。」乘機抒發當日拍《換命真相》時，被誤傳表現失準及跟同劇演員譚俊彥、張頴康不和，傳到被雪嘅難過感受。

兩年前拍《換命真相》時，曾傳出跟譚俊彥、張頴康不和。

Gloria曾因不和是非唔開心。

Gloria喺加拿大過住平靜冇是非嘅生活。

過咗個開心聖誕節及新年。

有愛犬陪伴。

重新適應唔容易

不過，31歲才成功獲得「Bachelor of Commerce」學位嘅Gloria好開心：「因為完成大學學位係一直以嚟嘅心願，所以真係好感動呀，其實我好享受校園生活，但放低咗學業9年，一下子適應好唔容易，特別完全唔記得晒statistics（統計數據），要靠自己重新學過。而且多年後上課嘅模式變化好大，以前大部份功課或考試係靠筆和紙，𠵱家發展得好先進，統一用學校app交功課及考試。」

相隔9年重返校園唔易適應。

Gloria要靠自己重新學過。

Gloria坦言熱愛演藝工作，但疫情後更珍惜和家人相處時光，所以暫時只想留低多陪伴家人，在當地多方面發展，未有返港歸期：「我會時不時錄啲song cover放上YouTube送畀fans，但唔會做歌手，亦未有呢個打算。」

月前Gloria和韋禮安唱新歌《如果可以》。

Gloria貴為華姐冠軍，當然有身材及樣貌。

鄧佩儀於《金宵大廈》表現大躍進，受到觀眾認同。

在加拿大增值自己。

學埋攝影。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ