獨家丨周漢寧未厭演學生恨拍古裝做醫護 1年7戲上映靠主動試鏡爭取

剛滿28歲的周漢寧（周寧），除去年初獲提名金像獎最佳新演員的電影《燈火闌珊》，去年再有6部電影上映。1年內有7套戲演出機會，原來大部分靠周寧主動爭取試鏡機會而奪得角色，而對於經常演學生，他仍未覺厭，但希望試更多不同角色，譬如古裝和醫護。 採訪：杜杜 攝影：Stanley

周寧已有一定知名度，仍會堅持主動搵試鏡機會，因過程令他好有滿足感。

周寧已有一定知名度，仍會堅持主動搵試鏡機會，因過程令他好有滿足感。

周寧已有一定知名度，仍會堅持主動搵試鏡機會，因過程令他好有滿足感。

《燈火闌珊》令周寧首獲提名「最佳新演員」，更有機會跟張艾嘉合作。

 去年接連上映周寧有份演出的《燈火闌珊》、《全個世界都有電話》、《白日之下》、《年少日記》、《爆裂點》、《不是你不愛你》和《填詞L》，原來他自2018年演藝畢業後，一直主動搵試鏡機會，而且不論製作規模，只要有興趣角色都不會放過，「好多學生作品或者MV、短片，我覺得有趣同埋可以做到嘅角色都會試，除咗嗰啲要求高大靚仔，哈哈！或者有啲年齡層，我真係做唔到啦！」

周寧拍電影《心裏美》認識《填詞L》副導演，因而有機會演中學風頭躉「William」。

周寧全靠在《燈火闌珊》演出得到葉念琛導演賞識，成功參演《不是你不愛你》。

夠膽孭飛做主角

能夠經常試鏡成功，周寧認為最大程度原因是幸運，其次就是他面對試鏡的心態，「中casting係全世界其中一件最開心嘅事，我係好認真對待casting，有啲人會驚，我就好鍾意casting，每次都會做足準備。」周寧演的角色，大部分都是學生，但他完全不覺得厭，「做過好多唔同種類嘅學生，如果有機會都會繼續做，絕對唔抗拒，我仲差個運動好叻嘅學生未試過，但要畀啲時間準備，首先要操個運動選手身材先，哈哈！」提到在《燈火闌珊》初嘗主角滋味，令他大呼過癮，「算試過做主角感覺，係好開心，但責任係大好多，亦有相應壓力，不過如果有機會去做主角，我會畀足100%去做，夠膽孭呢個責任。」

 

​ 在《全個世界都有電話》中首演咸濕仔，「有趣係佢表面係咸濕，但其實係個寂寞嘅人。」

周寧在《年少日記》演聽障學生「蛋糕」，「想踩入佢哋嘅人生度，經歷五感中被抽走一樣係點。」

周寧早前28歲生日，公司在戲院包場邀請粉絲及好友為他慶祝，令他既難忘又開心，「人生第一次包場，同埋都冇試過咁多人同我慶祝生日，算係去到呢個階段一個小總結，最近不停有作品上映，又有咁多人一齊慶祝，係好珍貴嘅生日體驗。」講到生日願望，他的心思都放在工作上，「雖然我已經好幸運，都試咗好多唔同類型角色，但係都想試多啲，譬如古裝，想試吓戴頭套，又有人話我個樣似民初人，仲有想做吓醫護，因阿媽想我做醫生。」

 

《白日之下》演遭虐待的殘疾院舍院友「明仔」，周寧爭取演出機會望為受害者發聲。

11月生日的周寧，獲公司安排包場睇《年少日記》慶祝。

《星島頭條》新網站有更多精彩內容：http://www.stheadline.com/