82歲盧海鵬自揭失明！患一病多年影響眼睛「冇得醫」 曾塞血管獲影帝墊支20萬醫藥費
2024-01-03 11:30 
上月度過82歲的盧海鵬，入行至今已經半個世紀，70年代成為《歡樂今宵》台柱，以搞笑作風及模摸仿其他藝人的功力，令人留下深刻印象。盧海鵬早前出席由無綫電視藝員訓練班畢業同學組成的「藝進同學會」聚會，遇上當年在第三期藝訓班的同班同學鄧英敏，兩人暢談近況，盧海鵬自揭原來右眼已失明。
相關閱讀：「蝦仔」賈思樂激罕晒父子照！80年代童星定居深圳 竟撞樣著名導演？
盧海鵬自爆左眼失明原因？
盧海鵬與鄧英敏雖然是同班同學，但其實兩人相差達十多年，兩人在《歡樂今宵》合作無間，難得相聚，鄧英敏也與老友閒話家常，問候對方身體如何？仍然精靈活潑的盧海鵬中氣十足地回答話：「冇咩事，咩都冇問題，就係以前搞到自己隻眼盲咗咋。」鄧英敏即追問原因，他說：「因為長期糖尿（病），引致隻眼青光眼，後來知道都冇得醫。（而家左眼同右眼視力仲有幾多？）呢隻就咗（右眼），呢隻（左眼）就冇事。」
曾與周潤發跑步好自律
盧海鵬近年不時與周潤發行山，但笑指因自己跑得慢，對方近來已經沒有接他，自己則仍堅持每朝早上6時去跑步，身體也變好，有氣、有聲，甚至連唱歌也可以。鄧英敏再問：「我知你朝朝早都好勤力，喺你自己屋企附近散步。」盧海鵬說：「全靠朝朝早跑步啊。（跑步係急跑？定慢跑？）梗係慢喇，我能唔能夠急跑先？就算係急跑都會死人，個心臟都負荷唔起了。（咁你跑步跑幾耐到啊？）每日一個鐘，中間無停。」盧海鵬2018年曾進行「通波仔」手術，當時苗僑偉與老婆戚美珍陪盧海鵬就糖尿病睇醫生，發現盧海鵬其中一條血管阻塞90%，資深傳媒人汪曼玲曾透露當時導演杜琪峯和演員古天樂不斷力勸盧海鵬做手術，並由古天樂先墊支20萬醫療費用，其後盧海鵬再向保險索償。
盧海鵬常與圈中好友聚會：
鄧英敏又問到盧海鵬在下個月農曆新年有何節目，盧海鵬即說：「冇咩打算，過咩節都係咁啦，我屋企人全部喺加拿大，剩番我一個喺度啫；大陸嘅屋企人呢就死晒，父母兄弟、阿哥阿嫂都死晒。」鄧英敏即指最重要身邊有一班好友、同學陪伴，並再問他會否復出演戲，盧海鵬說：「演出就難講啦，自己覺得可以做咪做吓囉。做戲嘅嘢你撩到就有戲癮，你唔撩就係咁呆呆滯滯囉。」
其他文章：
81歲盧海鵬食店開金口中氣十足！獲觀眾大派利是 5年前曾「通波仔」靠一招強身健體
EYT好友會聯歡晚會丨夏雨珍惜與200人大聚會見一次得一次 超多藝人驚喜現身
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應