肥媽李鼎打大佬丨A0游嘉欣狂問驗貞操問題！自揭保貞操奇招 李家鼎：有塊嘢叫初夜布
2023-12-31 18:30 
由肥媽、李家鼎（鼎爺）及游嘉欣（游游）擔任主持的全新飲食節目《肥媽李鼎打大佬》，將於明晚（1月1日）起、逢周一至三點10點半翡翠台播映。明晚播出的第一集主題是「論盡終身大事」，期間三人更討論起古代驗貞操問題，自認A0（不曾拍拖）的游嘉欣對此好奇心大發！
相關閱讀：肥媽李鼎打大佬丨A0游嘉欣食腸粉過平安夜冇人陪 被李家鼎評為「極品」性格傻
《肥媽李鼎打大佬》首播精彩預告：
《肥媽李鼎打大佬》明晚播出一集主題為「論盡終身大事」，講到結婚擺酒一定要有乳豬，肥媽下廚期間指古時三朝回門一定要有回門豬，是女子婚前貞操的象徵，如果女家沒收到回門豬會相當大鑊，游嘉欣聞言天真地問：「點解要三朝，唔可以第二朝、第四朝回？」肥媽聞言勞氣回應：「第一日未必搞得掂，怕醜㗎嘛，一定要即刻搞得掂咩？」打爛沙盤問到篤的游嘉欣再問古時如何驗證女子貞操，李家鼎亦沒好氣說：「有塊嘢叫初夜布，第二朝要捲住塊布畀奶奶睇。」游嘉欣聞言即爆出「保貞操」奇招，更與經血有關，激到兩老滴晒汗，場面搞笑。
肥媽承諾打金豬賀契仔陸浩明結婚
講到結婚禮金，李家鼎自爆曾幫好兄弟上門傾禮金，豈料女方媽媽獅子開大口索價8萬8港元，肥媽聞言說：「1972年買層樓都只係幾皮嘢，西環都係2萬幾，銅鑼灣都係8萬幾，佢個女鑲鑽石㗎？」游嘉欣更會在節目中公開心目中理想禮金價目！講完禮金再講人情，游嘉欣問肥媽如果契仔陸浩明（6號）結婚會給多少人情，肥媽豪邁說：「6號結婚我一定要打金豬，6隻或者12隻，冇理由一隻金豬就算！」
李家鼎爆「電影老闆縮數事件」
而後晚（2日）播出第二集主題是「慶功變㷫功」，李家鼎大爆陳年「電影老闆縮數事件」：「當年有部戲台灣老細開嘅，佢話呢套戲如果收到400萬，就每人送一隻名錶，點知一到三百幾萬佢就自己落咗畫，慳番！」肥媽聞言即笑笑口說出一個姓氏，李家鼎聞言則笑而不語，相當耐人尋味！相識滿天下的肥媽又自言最叻𢱑贊助，並謂早前為粉絲聚會找來總價690萬港元的獎品。鼎爺則大爆金牌監製劉家豪當年搞《溏心風暴》慶功宴時如何出妙計幫公司賺錢，想知道更多？密切留意本周播出的《肥媽李鼎打大佬》。
相關文章：
肥媽李鼎打大佬丨肥媽15字還原首任丈夫出軌場景！ 游嘉欣「墊」鬥格扮Double May
肥媽推介以「童子尿」為BB搽嘴醫病！四個新抱跟住做 嚇窒網民重提淡水魚事件
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應