西環食肆3萬月薪請洗碗清潔工 網民嫌辛苦 計出時薪僅$XX｜Juicy叮
2023-12-30 08:07 
由於被視作辛苦工種，飲食業洗碗工難求，接連加薪也乏人問津。有食肆似乎抱破釜沉舟想法，盡地一鋪拋出3萬元月薪「招聘洗碗清潔」，銀碼看似很是吸引，洗碗即時變身「筍工」？
月薪$30000請洗碗清潔工逐張睇↓↓↓↓＋ 網民數口精回應↓↓↓↓
網民：計落日薪為1000元
樓主早前在facebook專頁「西環變幻時」以「攝於皇后大道西」為題發帖，上載有關食肆的招聘廣告，當中除列明薪金外，還有職責與工作細節↓↓↓↓
•職責：洗碗（有洗碗機）、日常清潔及主管安排之工作
•休息日需自行安排替工
•每天工作11小時
有街坊認得「呢間嘢大半年前已經圍晒板裝修，而家都未開張」。而精明的網民沒有被金錢蒙蔽雙眼，細讀廣告每一粒字，發現細節辛辣，細心分析並數口精地列出方程式，點出種種可能出現的極端情況，直指是「辛苦錢」，計落日薪為1000元，時薪介乎85元至90元，揚言「一個做全更，起碼5萬啦」。
月薪$30000請洗碗清潔工逐張睇↓↓↓↓＋ 網民數口精回應↓↓↓↓
網民就「休息日需自行安排替工」作出分析↓↓↓↓
針對休息日需自行安排替工這點，網民細心分析指：
•得3皮仲要搵人頂更；
•要自己搵替工+一日11個鐘已經唔使諗；
•休息日需自行安排替工？即係倒貼？
•休假要自找替工有問題，可能要僱員自己付錢；
•痴線，每日做足11粒鐘，放假仲要自己安排替工自己畀錢，3皮嘢執藥都唔夠；
•好似好高，但條款好煩，寫一日11個鐘即係無飯鐘，休息日要自己搵人頂更即係你畀人工頂更嗰個。
接著有人索性指出：
•即係外判⋯⋯
•就係外判囉，仲要自僱；
•僱主嘅責任係安排休息日，呢個根本就係自僱人士；
•根本就係用$30k/月，想搵外判全包嘅洗碗判頭！
月薪$30000請洗碗清潔工逐張睇↓↓↓↓＋ 網民數口精回應↓↓↓↓
網民就「每天工作11小時」作出分析↓↓↓↓
數口精的網民計數指，每天工作11小時的工時太長，計落只是1000元日薪，時薪介乎85元至90元：
•請一個做11個鐘梗係冇人做；
•基本上係全包間餐廳的洗碗。計落都只係$1000/日；
•11小時工作仲體力勞動非常之辛苦呀，計時薪得90蚊；
•全年無休，無飯鐘，搵替工至少$1000日，其實冇So（著數）；
•即係$15000請個洗碗、$15000請個清潔。返11個鐘、全年無休；
•$30000其實係請緊1.5個人.....仲要無飯鐘，其實唔係好好人工；
•要自己搵替工，減$4000、MPF減$1500，只剩$24500÷26÷11=$85/小時 （還未包飯鐘、自僱人士無任何福利）= 自己諗是否高薪。
月薪$30000請洗碗清潔工逐張睇↓↓↓↓＋ 網民數口精回應↓↓↓↓
網民就「職責：洗碗（有洗碗機）、日常清潔及主管安排之工作」作出分析↓↓↓↓
雖然廣告表明有洗碗機，但未能成為亮眼吸引點，網民直指這份工的工作範圍巨大，甚至擔心「做一星期後隻手睇醫生都有排抖」：
•主管安排嘅工作......即係廚房樓面全部都係你，係返足（星期）一至日......11個鐘；
•齋洗碗就話好做啫，但要包埋清潔，即係洗廁所、洗地、洗牆身、洗冷氣、洗制服都可能要做，仲要做埋「主管安排之工作」，工作範圍好大喎；
•洗碗工係負責洗碗。而家係洗碗清潔工。即係所有要清潔都要做都不特止，仲要加埋主管安排嘅其他工作。三皮？你請緊三個人嘅工作喎？
•要用哥士的、鋼絲刷、鮑魚刷洗鐵網、爐頭，同埋每日都接受到洗白水......洗潔精、梳打粉等等大量化學原料，你唔會皮膚病，都相信你做到腰痛、頸痛。
網民有折解應對輕鬆妙法↓↓↓↓
不過，總也有人為賺這3萬元月薪，折解到較為輕鬆的應對妙法：
•兩公婆做；
•同朋友一人返半更／一人半個月分個糧，等錢使踩多幾日又得。依家清潔難請人依個係真，見度度都請緊人；
•隔日返，每人$15000......
洗碗相關新聞：
洗碗大媽竟是隱形富豪因一原因委屈打工日日百萬賓利接送
酒樓老火湯舀到「洗碗布」 飲完煲底驚駭現身酒樓居然「咁樣兜」
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
最新回應