專訪丨華仔偉仔「兄弟」重聚默契如家人戲中對立大鬥法下次盼做同黨

2023-12-27 23:45

劉德華、梁朝偉主演英皇電影《金手指》，是兩人繼《無間道》後、相隔廿年再度合作，偉仔笑言同華仔依然有默契，大家相識40年，感覺好玩又舒服，更大讚華仔對每個人都好照顧；而華仔則謂同偉仔再次合作感覺似一家人，對方好像他的弟弟一樣，更回想當年在TVB時互相幫助、取長補短，合作無間！文：鄺芷瑩圖：譚志光

劉德華、梁朝偉由電視台合作到影壇。

華仔及偉仔相隔20年再度合作。

劉德華、梁朝偉默契十足。

梁朝偉幾時都咁吸引。

華子對演戲有熱誠。

梁朝偉笑容一流。

丁父憂劉德華心情已平伏。

偉仔表示：「年輕時我哋已認識，合作第一部電視劇已成為好朋友，建立咗好好關係，好信任對方，所以埋位好有默契，唔需要浪費時間磨合。」華仔則表示同偉仔再次合作、感覺似一家人，對方好像他的弟弟一樣，又指大家當年在TVB時期不單止合作拍劇，就連台慶也夾開，當年「五虎」相處會互相幫大家去諗，將對方的優點發揮出來、取長補短，由於合作無間，所以好有默契。

當年兩人拍劇集《鹿鼎記》。

偉仔揣摩角色靠估

今次偉仔在《金手指》飾演狂妄自大的反派富商，他笑言過足戲癮，因從未試過這麽囂張、意氣風發，雖然現實中的自己不會這樣，但不難拿捏。談到戲中的搞笑情節，偉仔笑謂有幾場戲較為卡通，因為戲中的他擺明講大話，又指現實中的他𠱁人就叻，有時會講善意大話。而飾演的廉署高級調查主任的華仔，戲中多年來跟偉仔鬥智鬥力，當中更有場撞車戲，華仔說：「戲中角色有種幼稚的堅持，唔似我！我見到偉仔的表演幫到我，因為佢好囂張同外放，社會唔應該有咁嘅人，所以好想拉到佢。雖然戲中有一家四口被撞致翻車場面，看似危險，其實唔危險，錢嘉樂（動作指導）做足晒準備，危險都唔搵我做啦！」

片中有搞笑情節。

偉仔在《金手指》飾演狂妄自大的反派富商。

偉仔形容係過足戲癮。

偉仔未試過演囂張、意氣風發角色。

現實中的偉仔好內斂。

至於該片以佳寧案為藍本，對於接拍程一言角色，偉仔坦言好多因素，因這個角色從未做過，加上是《無間道》組合重新再拍一個題材，當時自己無考慮就答應：「其實原型人物資料唔多，係一個神秘人，仲有人話佢好低調，所以好多嘢自己諗出嚟，演出嚟係咪咁都唔敢肯定。」華仔就透露戲中所演的角色，其實也是原型人物，為了捉拿對方而不升職，一直好堅持，因為若然升職就唔可以再跟這單案件。