愛回家丨「袁球」老師宣布約滿離開TVB 努力追不上際遇：係時候轉變
2023-12-25 17:00 
現年34歲、在2016年參加《香港先生選舉》而加入演藝圈的馬俊傑，入行多年曾拍過不少劇集，雖然近年在處境劇《愛回家之開心速遞》飾演袁球老師，試過與外貌相似的「張龍」黃耀煌交換身份而受到人注視，但可惜後勁不繼，今年平安夜（24日）宣布離開TVB。
【相關閱讀】：愛回家丨兩大猛男鬥晒肌肉打檸檬茶！63歲林漪娸冧爆 港男冠軍竟不敵戇直男？
【點擊睇「袁球」馬俊傑工作照】：
馬俊傑與何依婷因《Think Big天地》而成為好朋友，早前獲女方邀請出席在峇里舉行的婚禮，想不到出席完婚禮過後，馬俊傑宣布離巢並在YouTube頻道拍片，片中馬俊傑表示已回復自由身，目前會努力經營YouTube頻道，繼續努力爭取幕前演出的機會。馬俊傑曾參加2016年《香港先生選舉》，該屆的冠軍是黎振燁、亞軍丁子朗及季軍鍾君揚，落選後馬俊傑被邀簽約TVB，曾擔任兒童節目《Think Big天地》主持之一，其後被安排拍劇，但戲份不多，《愛回家》的袁球老師已經是最初觀眾認識的一個。
原來在馬俊傑心目中，《Think Big天地》不是預期的工作，從小朋友心目中的「Linus哥哥」，直至隨後加入劇組，初期曾幻想有無限的發揮機會：「我每次開工，見到入嚟拍攝嘅小朋友，都話好鍾意睇我，每次聽到都好有成功感，完成咗3年『Linus哥哥』呢個任務，我由做主持每日講幾頁紙稿，變到而家可能一套劇都係得幾句對白，甚至有時有角色畀你，但一句對白都冇，或者閃過嘅我，做到已經好迷失自己，由一條經常當咗返屋企嘅路，都變到而家不愛回家。由一個有穩定收入嘅主持，變到而家有穩定收入嘅演員，努力追不上際遇，試又試過，努力又努力過，係時候畀自己轉變吓喇，做啲自己可以掌握嘅嘢。」
【點擊睇「袁球」馬俊傑爆肌相】：
在片中以自問自答的方式記錄自己離巢的心情，談到有否後悔加入TVB？馬俊傑說：「其實冇話後悔，每一個人嘅際遇都唔同，其實都好多謝公司，畀機會我入咗港男十強，令我可以踏足呢個咁華麗嘅舞台，亦都好多謝兒童節目監製，畀機會我去做兒童節目，令到好多人認識Linus哥哥呢個人。」馬俊傑又稱目前有一部電影在接洽中，今次與一身肌肉很有關係。他還說：「其實喺電視台拍劇同節目都試過晒，我覺得係時候要出去闖吓，試吓多方面唔同嘅發展，好似電影咁樣，都係喺我事業上一直想試嘅項目。」馬俊傑更說：「我唔想再拍一啲好似兒童節目咁有哥哥包袱嘅節目。」
【其他文章】：
何依婷結婚丨TVB高層樂易玲詐完型即有份觀禮 鄭衍峰被Deep V陳懿德突襲驚醒
愛回家丨「送水輝」一家三口重聚！12歲Philip仔添書生味 網民：就快高過老竇
愛回家丨金城安Bonnie復合有望？網民集氣想睇安Bon戀 林凱恩：期待日後發展
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應