方太現身《流行都市》大爆當年教煮餸秘聞曾與安德尊合作稱讚後生好乖又照顧人

2023-12-23 21:00

被譽為香港「烹飪界始祖阿媽」的方太（方任利莎），從70年代末在婦女節目大顯身手，到80、90年代更擔大旗主持《方太生活廣場》等節目，形象深入民心。TVB婦女節目《流行都市》邀請89歲的方太亮相節目，雖然她當年一直效力亞視，但激罕現身TVB節目，當不少觀眾感到驚喜，方太更在節目中大爆當年在節目上直播烹飪過程的秘聞。

【相關閱讀】：89歲方太激罕出山精靈拍廣告！仍然熱愛烹飪每周行街市兩次掃貨

【點擊睇方太亮相《流行都市》】：

方太曾主持過多個經典烹飪節目，是香港人的一代回憶。

是香港人的一代回憶。

方太煮得一手好餸。

方太早年曾出食譜。

方太曾主持多個極受歡迎的烹飪節目。

方太被封香港烹飪節目始祖。

方太當年的台詞「由於時間關係，我已經整好一碟。」成為經典。

方太的「由於時間關係，我已經整好一碟。」是不少觀眾的回憶。

方太形象深入民心。

指定招牌動作！

從70年代開始在婦女節目大顯身手。

方太多來一直效力亞視，烹飪節目主持形象深入民心。

方太近年會簡中亮相。

方太早年曾接受甘國亮的訪問。

方太亮相《流行都市》。

方太與主持安德尊、姚嘉妮大談當年直播教烹飪的趣事。

方太第一次做直播就出事。

方太雲淡風輕表示當年第一次做直播，怎料開火時冇火。

方太曾與安德尊合作，故畀面現身節目。

方太試過一日煮30道菜。

方太爆料指為影相，試過有些菜色其實未煮熟。

姚嘉妮日前在社交平台上貼上與方太的合照！

今次激罕現身TVB節目，當然令大家感到驚喜！

大家都爭相影相！

另一主持宋芝齡亦有貼合照。

大家傾得好開心！

感覺好親切！

方太一點都沒有變。

方太現身節目時向主持安德尊（大王）及姚嘉妮先戴高帽，之後談到近況時，方太語帶輕鬆表示：「我冇做嘢，可以講半退休，我做我自己啲嘢啦，平常生活。」安德尊問到怎樣平常時，方太打趣道：「你學唔到，你仲後生，我唔係太晏起身，我早起身嘅，（咩鐘數呀？）7點幾啦！起身之後食早餐啦！睇吓今日有啲咩做下啦！或者見吓朋友，喺屋企自己ＭＥ摸吓啦，係咁架喇！」更表示有睇《流行都市》。

之後提到方太養了16年的愛貓「嘉嘉」，姚嘉妮一度誤會是講自己，方太之後又再讚主持姚嘉妮：「靚女就鍾意佢（姚嘉妮）啦」，之後才續說：「嘉嘉好乖㗎，佢有自己嘅生活，（佢唔騷擾你？）係啦！（陪你？）會啦！佢有佢自己一套囉，最緊要係我細女（阿寶）鍾意佢。」

方太忘記入行年份

被問到從何時起開始教煮餸時，方太直言不太記得：「我頭先都同個女講，我都唔記得，好似99年」，原來方太從1979年加入節目主持烹飪環節，談到當時的趣事，方太自揭第一次作現場直播時好緊張，更發生放送事故：「第一次就好緊張啦！第一次上電視梗係緊張啦！誰不知撻唔著火，喺節目之前我有撻過，著火嘅，到我煮餸嘅時候冇喇！原來係最後一啖氣呀，之後同觀眾講，真係唔好意思喇！今次係我第一次上電視，居然撻唔著，不如我依家用口講點煮呢個餸啦，咁捱咗10分鐘度啦。冇得落台，出緊街呀，所以返到去我烹飪學校，俾我老闆鬧我囉，佢睇緊嘛，諗住你第一次上電視，見咁樣咪鬧我囉，『你有冇搞錯呀？你搞乜鬼呀』。」

安德尊爆方太禁入廚房

其後有報章為方太講好說話，她憶起當年道：「當年好得意，有張報紙第二日就話噚日電視有個新面孔，但佢撻唔著火，不過佢都好淡定，希望大家畀啲機會佢啦！我心中真係好感激，唔知佢係邊個，真係好喇！」安德尊曾與方太合作，他指當年方太不容許其他人入廚房或掂任何嘢，不過方太就稱讚安德尊說：「佢好乖，佢好合作好照顧人，當時做呢個烹飪節目好多人，我嗰陣時有個要求，我自己一個人做我就做，如果好多人我就唔做，你係上嚟介紹煮餸丫嘛，呢個嗰個好似好亂。」

【點擊睇方太生活照】：

今年方太已經89歲。

中秋節時曾分享近照，好精靈！

方太近年過悠閑退休生活。

方太是著名烹飪主持。

方太笑容滿面和藹可親。

深受觀眾喜愛。

方太出道前教烹飪班。

方太年輕時一張舊照再度翻hit。

方太原來是貓奴，最近還接受愛護動物協會訪問。

89歲的方太激罕出山拍廣告。

久未現身幕前的方太毫不怯場。

拍攝當日，工作人員直指方太非常認真負責、精靈可愛。

女兒Bonnie非常疼錫媽咪。

方太早前慶祝農曆生日，家人為佢準備咗壽桃。

方太全程笑咪咪。

早前方太跟女兒吃韓燒。

方太現招牌瞇瞇笑眼相當可愛。

方太經常與細女外遊。

方太到處觀光。

生活認真寫意。

當年曾推出烹飪書的方太，透露試過一日煮30個餸：「嗰個係影雜誌，其實你唔使真係煮熟，因為你影相丫嘛，但你要俾人睇到係煮熟嘅，（諗30個餸唔重複好傷腦筋！）比較係會麻煩啲嘅。」她估計多年來煮過逾千道菜色，不過自己未有統計，更笑言：「我有錢收就得喇！」對於教煮餸的秘訣，方太坦言沒甚麼秘訣：「唔好覺得呢個餸淨係我識煮，你唔識煮，我話好食就得喇，你要教識對方煮丫嘛，你要教識對方覺得好食先得嘛，唔好淨係以自己做標準，（跟食譜就做得到？）係呀，我寫食譜嘅時候，我唔單止試過啦，同時我以對方嘅角度嚟寫嘅，我鍾意食咸啲嘅，大家食呢個口味啱唔啱囉。」為配合港人口味，方太會將菜色作改良，因應港人口味。

對於做烹飪主持要具備的條件，方太認為要起碼識分生定熟，而自己更收藏有100條圍裙，不過已將部分送給別人。對於給予晚輩的忠告，方太打趣指安德尊不下廚，沒有事需要留意。而她的口味比較清淡，亦喜歡食水果，方太笑說：「我同我細女成日講笑，我希望做一隻有錢嘅馬騮，有錢馬騮自己去買丫嘛。」

方太談家人相處之道

被問到與家人的相處之道，方太表示：「我又唔敢講我係標準啦！我只可以講我嘅方法啦，我同啲仔女就好似朋友一樣，佢哋細個嗰陣時就唔同啦，你要管教佢啦，我比較嚴啲㗎，但有嘢可以商量，朋友一樣可以大家商量，到咗佢哋出嚟做嘢，咁更加好似朋友一樣啦，我記得我個仔初初出嚟做嘢嗰陣時，佢會講公司啲嘢俾我聽，嗰時我都做嘢嘛，有一日我好攰，佢講到11點幾12點，我同佢講『阿仔聽日先講好唔好呀？』我實在好眼瞓。」其細女更陪伴在側，如經理人一樣照顧。