法與情丨謝安琪剪短髮自嘲40幾歲學人反叛 老公張繼聰讚好如重返初戀

在ViuTV原創劇《法與情》飾演大律師的謝安琪，跟李芯駖是師徒關係，她大讚對方戲裹戲外也是一位好人。她笑說：「芯駖喺戲入面好似好愛慕我，但其實無嘅，我覺得佢個人好，好錫身邊嘅人，我好幸福，同佢最多對手戲。」剪了一頭短髮的謝安琪，自嘲四十幾歲人才反叛，對上一次短髮造型是讀三年班。因為太熱致腋下濕晒的她說：「我想挑戰吓，不過剪完短髮後反應幾好！老公張繼聰直頭覺得好，佢再次同我墮入愛河，又話返去初戀啦！我個仔覺得好新穎，因為覺得我不嬲行女人味，囡囡就成日想我留返長髮，一齊長髮先開心。」

兩人在劇中是師徒關係。

芯齡戲裡戲外都好仰慕謝安琪。

謝安琪自三年班後已冇試過短髮。

她笑言老公好鍾意，有初戀感覺。

李芯駖則笑謂戲裡戲外也很仰慕謝安琪，所以可以演出時擺放真實感情入去，又爆對方未埋位拍攝時會獻唱，本身亦有趁機向對方請教唱歌。談到可會教他們跳舞？謝安琪笑言打算一起學跳舞，大家最想睇陸駿光跳舞。

芯齡趁機向Kay請教唱歌。

Kay讚芯齡好好，經常照顧佢。

《星島頭條》新網站有更多精彩內容：http://www.stheadline.com/