劉馬車涉風化被補 龍心失對手爆24字金句 鍾培生：完全唔會支持呢個人
2023-12-01 22:27 
富三代鍾培生舉辦的《培生擂台：無敵盃》We Are Champs2023總決賽，今晚於修頓場館舉行。原本網紅劉馬車（劉駿軒）今晚將與龍心（林克霖）對戰，但昨日劉馬車出席該拳賽記者會後，因涉嫌非禮13歲女童被警方拘捕，有指至今仍未獲釋。
【相關閱讀】：富三代鍾培生請人出價X萬被嫌出手低？前冤家林作秒回「我願意」 重溫恩怨曾鬧上擂台
【點擊睇鍾培生講劉馬車】：
作為主辦方之一的鍾培生，在比賽前夕接受訪問，對於劉馬車涉及風化案被警方拘捕，他表示事前不知情，但找來律師團隊去了解跟警方溝通，能否有機會可以保釋劉馬車出來趕來參加拳賽，之後再配合調查。談到劉馬車若然能到場參賽，可會擔心他的行為舉動？鍾培生說：「現場有好多保安，所以會好安全進行，但而家劉馬車呢一刻仲喺警局入面，無論結果如果拳賽會繼續進行，但我哋應承大家14場比賽，keep返飛尾，盡快搞返呢一場。」問到劉馬車今晚成功被保釋成數高？鍾培生直言不清楚，現階段對方仍然被扣留，亦尊重警方的決定。他說：「點都好，其他比賽事如常舉行。」
鍾培生提泰臣曾因強姦案坐監
提到劉馬車涉及風化案，可會擔任影響拳賽形象？鍾培生坦言作為拳賽每個人站在擂台是最公正、公平的地方，而拳王泰臣因強姦案而被判監。鍾培生說：「喺擂台上面可以見到我同林作，佢係一個好無道德嘅人，但係喺擂台上面所有人都係公平，踏入擂台呢個正方形入面，就可以去打！但離開咗擂台，好似劉馬車咁，我係極度討厭、甚至憎恨涉嫌咁無道德行為。」
鍾培生指因未知劉馬車涉及案件情況，若然能夠保釋的話，就會盡快安排跟龍心的賽事。提到若然遇上退飛潮如何處理？他表示知道今日仍然很多人想買票入場。至於問到法律上會否全力支持協助劉馬車？他說：「我係完全唔會支持呢個人。（幾多保釋金都會幫忙？）未了解呢樣嘢，唔知道。」
對手龍心感失望
對於劉馬車昨日記者會後，因涉及風化案而被拘捕，今晚未能到場應戰。對手龍心表示昨日知道後，有少許失望，但消化過後沒大礙：「成日幸災樂禍嘅人，必定多災多禍，去告人點知被差人拉咗！所以大家唔好做唔好嘅事，唔係因為我扮好人，因為我知道結果，善者果而已，就明白唔好做唔好嘅事。」提到若然劉馬車被落案起訴，最後被判刑的話，會否等待服刑後於擂台對戰，龍心說：「唔使啦！佢喺監獄入面被人打死啦！」
【其他文章】：
鍾培生拳賽丨周永恆自爆出獄後人生有轉變 拒絕老婆探監：唔需要見識
富三代鍾培生又惹是非？網紅人妻揚言若未收賠償：將IG直播即場割脈
富三代鍾培生強調與「女網紅」素未謀面 自爆被網絡暴力騷擾三年已報警求助
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應