陳茵媺復出拍劇曾因陳豪一句說話爆喊 重提拍拖經過竟然與記者有關？
2023-11-28 19:30 
陳茵媺（Aimee）與陳豪結婚後淡出幕前專心相夫教子，最近久休復出再拍電視劇，今次與老公陳豪合演的TVB劇集《羅密歐與祝英台》，劇中與老公陳豪演情侶，夫妻檔上陣當然成焦點。雖然劇集已經完滿落幕，不過原來陳茵媺拍劇時試過因為老公一句說話，爆喊收場！
【相關閱讀】：陳茵媺復出同老公保持距離 無法維持家庭工作平衡 難再夫妻檔演出
【點擊睇陳茵媺談與老公陳豪合作】：
陳茵媺近日接受TVB娛樂新聞台節目《星光路上》，談到今次復出拍劇，陳茵媺坦言沒有過往般輕鬆：「而家有好多嘢要要兼顧，喺現實中我要兼顧拍劇集同家庭，而且我覺得劇中嘅角色比我以往的角色複雜得多，我又要飾演一個唔係自己，又要女扮男，而且角色有好多動作片段，係有好多挑戰！」言談間陳茵媺又自爆試過一句說話而爆喊，她說：「嗰日真係厭力好大，試過有人大家食宵夜，我企咗喺度嘅時候，唔知阿mo幾時入咗嚟，跟住唔知講咗啲乜嘢，我即刻喊話真係唔覺得自己可以做得到，跟住佢好驚，叫我同Joe（監製陳維冠）講，嗰陣喺Joe面前又喊，跟住Joe話：『其實冇事喎，係你覺得自己做唔到，但係喺鏡頭前唔覺得我有問題，叫我唔好畀咁大壓力自己，呢個係term work，大家都會你一齊』。始終我有咁多年冇出嚟拍劇，今次戲份又好重，想俾啲驚喜觀眾，聽完佢講之後，覺得自己舒服咗好多，阿mo又鼓勵我。」
【點擊睇陳茵媺更多靚相】：
持又問到陳茵媺今次復出，陳豪有否做了一些事而令她覺得很感激？陳茵媺搞笑地說：「想再整喊我？其實我真係好感激佢湊小朋友，又教小朋友功課，冇佢幫助，可能今次未必可以咁投入個角色。」自從兩人結婚後，一直被視為「模範夫婦」，問到當日兩人拍拖的經過，陳茵媺笑說：「其實未拍拖之前，有好多人同我講話阿Mo有幾好，好似拍劇集會同其他女仔保持距離，試過有記者打嚟sell佢sell咗9個字，叫我諗吓，你知啲記者通常好清楚每位藝人嘅性格，聽到大家咁讚佢，咪開始留意。」陳茵媺還說：「但係我哋拍劇係冇交流，只係喺宵夜嗰陣傾偈，慢慢了解多咗，發現性格有啲相似，不知不覺就喺埋一齊，真係好神奇。」
【其他文章】：
羅密歐與祝英台丨陳豪陳茵媺舉家開房睇首播 女兒肉緊追問媽咪：為何你要射爸爸？
《畢打自己人》Re-U賀毛舜筠63歲生日！陳茵媺鄭欣宜曾被幕後喪鬧 獲影后代出頭
陳茵媺陳豪深圳湊仔搭地鐵 表現低調極貼地 北上陪老公拍劇帶三子女去溜冰
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應