專欄｜最怕球員「唔識收」

熱火25歲球員史密斯，在對戰騎士的比賽中因跳起後落下時剛好踩到場邊的「一張紙」受傷，導致右膝前十字韌帶嚴重扭傷，本季確定報銷。

無論是踩到「一張紙」定係「一碌蔗」而受傷，對運動員而言都非常可惜，畢竟需要時間康復，而且更有機會回復不了應有的水平。

筆者其實是想借史密斯呢件事，帶出球員在場上要學會「識收」，咩係「識收」？簡單而言就是要有清晰判斷，究竟所做的動作最多可以做到甚麼程度或力度，再多就會受傷。「識收」要教嗎？

筆者認為初學者或青年球員都有需要透過教練在訓練及比賽時加以提點。筆者近日在帶領乙組球隊比賽時，就有其中一位球員，特別在球隊落後時，防守的動作「唔識收」，對方球員上籃死衝回防撞落對方身上，對方球員出手射波時同樣地撞到對方，甚至在搶籃板時瞓落對方身上而跌落地，筆者在暫停時提醒他，再在比賽完結後同全隊球員再提醒多次。

筆者都非常明白有時球員緊張或求勝心切而「過火」，所以教練除了教球技外，更要教場上的判斷，保護場上所有球員都是非常重要。梁國成

-----

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ