陳淑蘭提舊愛獨欠黎明引揣測？曾自爆當年因一個原因分手 享受單身唔Lonely
2023-11-26 19:00 
88年港姐亞軍陳淑蘭早前與周國豐和伍仲衡開live，有指因莫可欣介入而與方中信分手，令4年情玩完，陳淑蘭曾為此而怒摑對方，開live期間有網民留言：「蘭子打過莫可欣一巴」，陳淑蘭未有開名地說：「我有，唔止一巴，不過講完就算喇！」事件惹來不少風波，其實當日在直播上，陳淑蘭亦有提到亦與舊愛祈文傑等前度的關係，陳淑蘭稱與大部分前度都能做得返朋友，但偏偏未有提到舊愛黎明。
【相關閱讀】：陳淑蘭罕談曾怒摑港姐冠軍！直認「唔止一巴」 與方中信4年情疑被介入：我好嬲
【點擊睇陳淑蘭舊情】：
陳淑蘭過往多段感情，不過就表示自己現時沒有拍拖，坦言現時一個人都好開心：「我五年冇拍拖喇！好多人覺得我好慘，好似會孤獨終老，我覺得最緊要係健健康康，我屋企有4狗3貓2雀，真係好熱鬧！我一啲都冇Lonely。我而家係隨遇而安，feel到唔得唔好嘥時間，而家生活好開心，好多朋友冇結婚，大家出嚟吃喝玩樂好開心！」但陳淑蘭其實在1991年，曾於節目訪問上自爆曾與黎明發展過一段登台情緣，可惜因自卑心作祟，認為自己襯不起貴為天王級的黎明，所以主動提出分手。
【點擊睇陳淑蘭傳奇半生】：
陳淑蘭當年在毛舜筠為有線娛樂台主持的《好女人系列》錄影訪問，主持人問及她的感情生活時，自爆方中信拍拖之前，原來曾與黎明發展過一段登台情緣，當時同行還有毛舜筠，陳淑蘭說：「其實當初我未接觸過黎明之前，好憎黎明，覺得佢唱歌五音不全，但自從九一年同佢一齊去美國登台之後，就覺得佢好可愛。」
當時兩人合唱《祗有情永在》，因她忽然忘記歌詞，黎明便捉實她的手，然後用口形提她歌詞，蘭子說：「我係一個好容易被人電到嘅人，佢捉住我嗰陣，我當堂領晒嘢，佢眼神原來好厲害，佢提我歌詞嗰陣，我覺得呢個人係保護我，係英雄。通常去到外地，大家都會互相照顧，所以後來佢同我好多時都會一齊。尤其去到外地冇乜壓力，咁咪放縱一吓。」
陳淑蘭遇上黎明前未知道甚麼叫愛
陳淑蘭又說在遇上黎明之前，還未知道甚麼叫愛：「我成日祈禱，希望有機會畀我知道乜嘢叫做愛，結果冇幾耐就去登台，當時個感覺就好似喺雲上面飛，係一個好飄然嘅日子，好開心嘅日子：「我但求開開心心，咪話畀自己聽呢個係fantasy囉。我同佢講，返到香港之後大家唔會再見，一切都會完，估唔到返到香港之後重會搵我，我好開心，我試過call佢機，話我好愛佢，但我冇期望可以同佢發展，佢係一個天王，我覺得我襯佢唔起。」最後陳淑蘭決定將一切放低：「呢個白馬王子個個都想擁有，由始至終係自己一廂情願。」
不過陳淑蘭子其後澄清沒有與黎明拍過拖：「其實我嗰日做訪問嘅時候好似遊緊雲咁，因為我食咗啲感冒藥，唔係好清醒，我只係單戀黎明，佢係唔知嘅。」黎明當時亦笑說：「傳聞就當然無，真實就唔知喇。(佢話暗戀過你)我暗戀佢多啲，不過無論明同暗都係好耐之前嘅事。」他又稱兩人好朋友，陳淑蘭的為人一切好好「鍾意講乜就講乜」。
【相關閱讀】：
陳淑蘭為舊愛祈文傑生日獻上香吻 分手後關係親如家人般愛護疼錫
陳淑蘭揭身世非媽媽親生！喪母一年母親節前倍感觸 病母臨終爆驚人秘密即驗DNA
53歲陳淑蘭罕有露面撞樣60歲關之琳 鬈髮配煙燻眼妝相似度極高
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應