獨家丨盧鎮業做老師曾收留冇屋住學生 卓亦謙導演自責唔夠關心輕生同學

卓亦謙執導、盧鎮業（小野）主演的《年少日記》，榮獲金馬獎5項提名，電影創作動機緣於曾經歷同學輕生，再由小野飾演的「鄭 Sir」揭開童年傷痛回憶為主軌。對於首部長片就獲提名金馬獎最佳剪接，剪了《年少》近兩年的卓導意外之餘，亦坦言過程相當煎熬。採訪：杜杜 髮型:Jay Yeung@The Edge salon and academy化:Carmen Chung服裝:Rickyywong、Re: By Maison Sans Titre from LANE CRAWFORD

小野因要參加友人婚禮未能出席金馬獎，而卓導笑言去到亦冇諗過攞獎，能跟李安集郵已開心。

小野因要參加友人婚禮未能出席金馬獎，而卓導笑言去到亦冇諗過攞獎，能跟李安集郵已開心。

小野因要參加友人婚禮未能出席金馬獎，而卓導笑言去到亦冇諗過攞獎，能跟李安集郵已開心。

卓導和小野首度跟陳漢娜合作，過程相當愉快。

卓導對大學同學輕生一事耿耿於懷，成為創作電影的動力，「雖然只係識咗兩年，但嗰時拍攝功課好密集，次次拍完都會一齊搭車傾偈，見完第二朝知道佢走咗，我就思考咗好多嘢，點解我一啲都冇發現呢件事？我識唔識得關心人？」卓導一直好自責，加上留意到社會有好多學生輕生的新聞，希望透過電影令更多人關注學童自殺問題，「呢個地方壓力好大，咁啱同學要爆嘅時候搵唔到出口，就決定離開。」

小野跟陳漢娜首次合作電影，靠搭車時的深度對話投入角色。

卓導大讚兩位小演員黃梓樂和何珀廉，表現好專業。

卓導一向好想睇鄭中基演正劇，事前幻想唔到佢演暴躁嚴父。

相信師生也可當朋友

曾是老師的小野對電影有好多共鳴，「10年前喺中學教過短時間，近年就教大專院校，做老師除咗分享自己好嘅經驗，亦要做個好好嘅聆聽者，知道學生發生緊咩事。」教中學時，有學生在暑假打電話給他，令他相信師生是可做朋友，「佢話屋企俾人收樓，冇地方住，我同朋友租咗個工廈做studio，就陪佢執咗兩袋紅白藍，有個地方安頓佢，佢𠵱家好叻仔，喺台灣讀緊電影碩士，每次返親香港，我就捉佢幫手，我之前導演馮允謙兩個MV同短片，都搵咗佢做導演組。」

小野與「鄭 Sir」在師生關係上最有共鳴。

小野趁學生Saito（左一）返港，即入導演組幫他拍鍾雪主演的M+短片《好大部𨋢》。

對於得到金馬獎最佳劇情片、最佳新導演、最佳原著劇本、最佳男配角及最佳剪接等5項提名，卓導坦認完全估唔到，特別是首次參與長片剪接便獲得提名，「𠵱家個剪接係好勉強講到個故事，因為裹面都係文戲，邊啲位可以好清晰畀觀眾知道啲關係同時空，點樣可以令到觀眾肯定睇得明，剪接做咗好多嘗試，剪咗1年9個月咁耐，過程好煎熬，爾生（爾冬陞監製）不停催我哋。」

小野和卓導早前出席東京電影節。

小野和卓導跟黃梓樂在港出席多場謝票，跟觀眾直接交流。

《星島頭條》新網站有更多精彩內容：http://www.stheadline.com/

防止自殺求助熱線：
香港撒瑪利亞防止自殺會： 2389 2222
生命熱線： 2382 0000
明愛向晴軒： 18288
社會福利署： 2343 2255
撒瑪利亞會熱線(多種語言)： 2896 0000
東華三院芷若園： 18281
醫管局精神健康專線： 2466 7350
利民會： 3512 2626
賽馬會青少年情緒健康網上支援平台「Open 噏」：http://www.openup.hk