新聞女王丨前TVB主播麥詩敏暗踩佘詩曼離地 網民反批：要惡搞中東呼吸綜合症先真實？
2023-11-21 18:30 
視后佘詩曼難得回TVB拍攝的台慶劇《新聞女王》昨晚（20日）首播，除演員陣容強勁包括馬國明、李施嬅、高海寧、王敏奕、何依婷、鄧智堅、譚俊彥、龔慈恩、陳曉華及何廣沛等外，首集已經出現翻巴士的大型事故場面，而文慧心（佘詩曼飾）和梁景仁（馬國明飾）兩大主播在SNK新聞台的鬥爭，劇力十足。不過，一眾現職或前任新聞主播卻有不同意見，很多前TVB主播都認為劇集「離地」。
【相關閱讀】：新聞女王丨第2集劇透！高海寧為上位靠身材博何啟南歡心 陳曉華為佘詩曼付出沉重代價
【點擊睇新聞界留意《新聞女王》第一集播出】：
以往不同平台間中都有涉及到新聞為題材的作品，如2004年上映的電影《A-1頭條》，與及最近的《白日之下》都有點相關，劇集方面則有HKTV於2013年播出的劇集《導火新聞線》，之後更拍成電影版，但這次以主播為主線的劇集則更少有，同時亦吸引不少前主播及新聞從業員留意。
今年離巢後不時大爆TVB秘聞的前主播麥詩敏，對於《新聞女王》提出三點質疑，「廠內專人補妝、帶（戴）耳機，絕對唔會有發生」、「臨出街前30秒企起身話唔讀，要脅上司，好似誇咗！」、「咁急既（嘅）live有時妝都冇時間化，佢仲慢慢喺度帶（戴）耳環！」。至於另一前TVB主播姚雋彥則留言說：「CREW車係寶馬，呢個電視台新聞部咁富貴，我搭開HIACE㗎咋！做Live都有稿讀，Add Lip兩句講埋鋪毛（Promote）就收工，呢份工真係易做。」
【點擊睇麥詩敏重提「中東呼吸綜合症」 口誤】：
相反，比他們名氣更響而且仍在新聞界任職的「小飛俠」林燕玲，她同樣曾效力TVB新聞部，其留言則較為溫和：「主播真係咁忙？是的，準備工作超級多，但都是團隊合作。講返正題，『全球新聞報道』今晚七點鐘，有我林燕玲為大家報道。」不少觀眾看過第一集播出後都大讚兩位女主角佘詩曼及李施嬅演技，甚至指陳曉華也有進步，而且首集劇情豐富緊湊、戲劇效果及張力足夠，但也有人批評陳曉華為了車Cam片段而刑事毀壞犯法兼不合情理等等犯駁位。
指《新聞女王》如跟足現實好趕客
網民對於一眾主播們將現實與劇情作對比也有表達意見：「所以麥詩敏係新聞主播，唔係新聞女王囉」、「唔通套劇要惡搞下佢成名作中東呼吸綜合症先真實？仲有麥小姐打錯字，係戴耳環」、「現實嘅新聞部無乜興趣了解😆。劇，天馬行空，無乜所謂。」、「戲劇同現實怎會相同，如照足現實般咁做，相信會係幾悶，應該幾趕客，見過麥小姐報新聞，尤（猶）如讀稿機器，個人就不懂得欣賞了」。
【其他文章】：
新聞女王丨率先逐格睇佘詩曼吊帶裙激戰何廣沛！被追吻香肩滑頸 互動曖昧雙耳通紅
《新聞女王》預告逐格睇！高海寧拉低貼身運動褸舉動撩人 何依婷反枱做衝動擔當？
思家大戰｜何廣沛爆《新聞女王》與佘詩曼有激情戲 何依婷自爆演悲劇人物
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應