許靖韻再花500幾萬置業阿媽睇新聞至知 可宜懷孕4個月被指變醜估計陀仔

許靖韻今日到沙田馬場出席表演活動，已很久沒在香港的她表示最近壓力好大，因為早前買了人生中的第二層樓，希望默默工作可以減輕負擔，她透露今次買樓花費500多萬，是公司樓盤，自己看示範單位的時候覺得實用：「本身冇打算今年買第二層樓，睇到覺得可以用嚟投資好心動，所以同公司商量，呢啲係緣份，加上印花稅減半，我買嘅時候冇同屋企人商量，買得好急，買咗之後都係媽咪睇報道問我。」她指人生中第一層樓，大約四年前買，當時400多萬，笑言今次有點進步，而該樓現時放租狀態，新一層則在2025年收樓，她又謂若要買樓自住的話，就必須要有三間房，這樣放衫或其他物品才比較鬆動：「要買樓自住要努力多幾年，（投資叻過唱歌？）唔敢講，但希望學投資，因為見啲前輩投資好叻，我希望可以用唱歌換投資機會。」提到工作，她表示正計劃下年到不同地方開騷，也希望能在香港開，因為這是從少長大的地方，屋企人也希望她返來開騷。

 

許靖韻密密做搵埋唔少

可宜今日以主持身份現身馬場，見身穿連身裙的她腹部微隆，一臉幸福的她表示已懷孕4個月，而一向恨有小孩的老公對此亦非常開心和期待，她指原本想給老公驚喜所以不刻意透露BB性別，但產檢時卻被醫生踢爆是仔，又笑言朋友指她孕後醜了所以也估她是陀仔：「好彩冇覺得唔舒服，只係渴睡同食多咗嘢，而家大約重咗3公斤。」見她今日仍著上高踭鞋，她指現時只會著2吋高的，並以舒服為主，又指懷孕後感覺BB有帶旺她的工作，不過暫時只會接司儀及較為輕鬆的工作。

恭喜可宜

《星島頭條》新網站有更多精彩內容：http://www.stheadline.com/