TVB台慶2023｜After Class將合體再度三缺一 詹天文鍾柔美爆正錄製新團歌

炎明熹（Gigi）、鍾柔美（Yumi ）及詹天文（Windy）今日（17日）到電視城為台慶表演進行綵排，她們指今次除了會與《聲夢》成員合唱外，亦會與其他人對唱，對於今次After Class再次三缺一，Windy未感可惜，更透露姚焯菲將於12月返港，到時候4人更會真正合體做表演，雖然上次合體的時候三人已耐到唔記得，但炎明熹就指，開演唱會時姚焯菲有特別來探班，更送了一本相冊給她，令她既感動又驚喜。而詹天文及鍾柔美又表示已為After Class錄新歌，未知合體時會否唱，不過炎明熹就一臉茫然地指自己仍未錄音，但相信某日會錄。

Windy早新推出新歌《大雕刻家》後成績不俗，得到網民狂讚之餘更指她跳得好過Yumi，Windy表示也有看評論，但覺得沒需要比較：「我哋跳舞有唔同叻嘅地方，風格唔同，今次我係跳型格韓風路線，我都多謝大家鍾意，因為我都落咗好多苦功，都希望大家唔好成日攞我哋嚟比較。（怕傷感情？）唔會傷感情，我覺得都係百花齊放。」

詹天文指正在錄製After Class新歌。

Yumi認為不需要與隊友比較舞技 。

鍾柔美Yumi 與炎明熹及及詹天文到電視城為台慶表演進行綵排。

After Class將會為台慶表演，但會繼續三缺一。

Gigi對於入圍《2023年叱咤樂壇流行榜頒獎禮》「我最喜愛的女歌手」十強，表示感謝大家支持及投票。

炎明熹現身為台慶表演進行綵排。

After Class將會在台慶夜當晚表演。

Yumi則謂雖然現時忙著讀書，但亦有留意隊友出新歌，也很戥大家開心，但她亦同樣覺得不需要比較：「對Windy嚟講都係新嘗試，我戥佢好開心，第一次見到Windy咁我都好surprise，都係一個新樣子畀大家睇。（你跳唔跳到Windy嘅舞？）跳到，我相信我都可以跳到好多唔同嘅舞，真係冇需要比較，因為我都開始籌備緊自己嘅歌，遲啲我都可能會俾啲驚喜大家呢！」問到Gigi是否跳到？她即說「梗係唔得啦！」又大讚兩人記舞步很快，自己需要再努力。

提到Gigi於《2023年叱咤樂壇流行榜頒獎禮》，經票選後成功殺入「我最喜愛的女歌手」十強，Gigi非常多謝大家支持及投票，但她亦希望一切可順其自然，做好自己，然後再唱更多歌曲給大家聽，問到是否有信心得奬？她說：「要有少少信心，但唔係好大嗰隻，我都主張順其自然（嘅）心態，我都相信自己一定可以嘅！（有冇同身邊人拉票？）冇，一個都冇，我係咪太過順其自然？但我知道粉絲們都盡佢哋嘅力量投票，所以我都希望自己可以做到最好。」

 

【其他文章】：

炎明熹演唱會丨處女個唱登場！LED燈靚裙亮相閃爆全場 曾志偉楊千嬅譚詠麟送花籃

炎明熹演唱會丨颱風小犬襲港10.8尾場宣布延期 主辦方籲觀眾保留門票作後續安排

炎明熹演唱會·圖輯｜Gigi短褲黑絲配貼身上衣戰鬥格勁歌熱舞 歌姬look最煞食

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ