明星足球隊對村超贏波！何猷亨首發落場不夠5分鐘被換走黃日華踢到無名火起

2023-11-11 21:30

香港明星足球隊與貴州榕江村超聯隊今日（11日）於香港大球場進行足球邀請賽，吸引大批球迷入場。明星足球隊成員譚詠麟、陳百祥（阿叻）、苗僑偉、羅家英、黃日華、羅家英、鄧兆尊、洪天明、徐榮、戴志偉、李子雄、何家勁，以及賭王四房公子何猷亨等亦有到場比賽，猷亨與譚詠麟、陳百祥等更在首發名單上，最後明星足球隊以3比1贏得比賽。

【點擊睇明星足球隊贏波】：

香港明星足球隊與貴州榕江村超聯隊今日在大球場踢友誼賽。

有不同少數民族來港表演。

由73歲的譚詠麟領軍！

徐榮、鄧兆尊等多位藝人參加。

人才濟濟！

一個cam都好難影晒！

何猷亨與譚詠麟、陳百祥、何家勁、黃日華、苗僑偉等同列首發名單。

譚詠麟被指凸腩。

不過以73歲來說，譚詠麟依然老當益壯！

黃日華比賽後直言一掂波已被對方鏟腳，令他無名火起。

猷亨是首發名單的其中一人。

還有苗僑偉。

不過41號的猷亨在開場不夠5分鐘，已經被換走。

比賽第一節以1:1結束，明星足球隊首個入球竟是對方的烏龍波。

在中場休息時，黃日華、何家勁、李子雄、羅鈞滿齊齊歌當年金曲。

一片螢光綠色，好壯觀！

今日仲有家英哥在場。

在比賽第二節已經來到3:1，第三個入場是41號球員，不過其實並非猷亨。

肥媽在中場休息亦有演唱。

肥媽大展歌喉！

肥媽與黑妹齊齊睇波。

羅家英（中）都有唱。

肥媽睇波期間亦好開心。

最後明星足球隊以3:1贏得比賽。

個個都好開心！

贏波捧盃！

彭健新

黃杏秀都有睇波。

開場前播國歌，個個都識唱㗎！

當然仲有猷亨。

有份參加的陳浩文今日亦立即在抖音貼片。

黃日華直言今日踢到無名火起，一掂波已被對方鏟腳。

黃日華續指自己很多年沒在球場上發火，但今日真的忍不住，因為第一腳已被踢。

不過能夠捧盃都好開心。

黃日華又表示譚詠麟叫自己不要發脾氣，因為全國正在直播：「我點唔發脾氣？第一腳就咁樣。」

近日有傳黃日華向關寶慧求婚成功，黃日華直言：「有啲咁嘅假消息對讀者唔公平，對我係一種傷害，明知唔係真，但講到一個藝人有咁嘅行為就唔好，應該要制止。」

黃日華笑說自己「被恭喜」到口啞啞。

陳百祥表示今次贏出比賽也是意料之外，因為最初15分鐘一直輸，後來因對方擺烏龍洩了氣才輸波。

陳百祥說：「好開心，明星足球隊20年來只輸了一場波，就係對AC米蘭6比1，喺中國踢波暫時係橫掃。」

陳百祥指13歲的願望就是在自己的地方贏波，現時73歲、等了一世紀後終於圓夢。

陳百祥又指今日在內地社交平台中有過億人看直播，更是香港首次。

連譚詠麟與阿叻都有手幅！

譚詠麟最後被瘋狂集郵。

現場好多明星。

個個都好努力㗎！

陳百祥在贏出比賽後，代表明星足球隊接受霍啟山頒贈的錦旗與獎杯，譚詠麟亦不停被村超球員邀請影合照。黃日華在比賽後受訪，表示自己落場約30分鐘，但感到有些不開心，因為一掂波已被對方鏟腳，令他無名火起。黃日華續指自己很多年沒在球場上發火，但今日真的忍不住，因為第一腳已被踢，又指之後譚詠麟叫自己不要發脾氣，因為全國正在直播：「我點唔發脾氣？第一腳就咁樣。」

黃日華「被恭喜」到口啞啞

近日有傳黃日華向關寶慧求婚成功，問他現在對愛情是否還有火？他直言沒有，並以「真的該說了，假的不說也罷。」11字澄清。黃日華指內地有很多網站也有很多假消息，所以不想回應：「例如發哥（周潤發）死咗、三哥（苗僑偉）破產，呃人睇。（回應咗就唔使理？）咁就趁呢個機會澄清，有啲咁嘅假消息對讀者唔公平，對我係一種傷害，明知唔係真，但講到一個藝人有咁嘅行為就唔好，應該要制止。」黃日華指傳出這樣的消息，對每個人也不好，自己更是「被恭喜」到口啞啞。

至於女兒黃芷晴是否也有懷疑？黃日華說：「冇，自己少出街，我都覺得大家關心我嘅感情，但我單身三年幾都習慣，不過世事無絕對，我冇講過終身不娶，只係傳媒覺得我好男人咁樣幫我寫，其實之前都講過，感情嘢上天安排冇得強求。」黃日華又指現在覺年青時不同，已62歲的他亦坦言不會容易投入另一段感情。